Category: Education

Education Salud

ATIA ta contribui na metodo di trabou di profecional nan den salud mental den nos idioma

Dia 19 di oktober 2022 ATIA a brinda e oportunidad na Orthopedagogisch Centrum (OC) y Family Justice Center (FJC) pa organisa un seminario pa professional nan den area di psichiatria y psicologia. Despues di e seminario aki, tur profesional lo tin e posibilidad di haci test cu nan clientenan den nos mesun idioma papiamento. Esaki lo contribui na un manera mas uniforme di trabou y lo haci e trabou den area di salud mental mas asesibel.

Education Gobierno

Prome Minister Evelyn Wever-Croes: IMPORTANCIA DI CONSCIENTISACION TOCANTE TRAFICACION DI HENDE

ORANJESTAD – Diamars na Cas di Cultura a tuma luga e anuncia inicio di ‘lespakket’ tocante traficacion di hende pa scolnan secundario. Ta crucial pa hobennan studiante ta alerta pa señalnan di posibel traficacion y/of contrabanda di hende sea pa nan mes of esnan cerca di nan. Esaki ta conta pa studiantenan cu ta bayendo scol actualmente y cu den e proximo añanan, tin e intencion di continua nan estudio avansa den exterior.  Leu for di cas y den un ambito no familiar, ta crea cierto vulnerabilidad y pesey ta importante pa e  hobennan aki ta na altura di e indicadornan.

Education Gobierno

Prome Minister Evelyn Wever – Croes: PABIEN NA CMAA CU TA INICIA CU PROYECTO PILOTO NA SCOLNAN PA CONSCIENTISA HOBENNAN TOCANTE TRAFICACION DI HENDE

ORANJESTAD – 18 di October ta “Dia Nacional contra Traficacion di Hende”, un dia cu tur aña ta para keto na e fecha y asina contribui na conscientisacion di nos comunidad encuanto di e topico di traficacion y contrabanda di hende. Conoci tambe como sclavitud moderno, traficacion di hende ta un delito contra derechonan humano y ta responsabilidad di nos tur pa combatie. Den cuadro di esaki a haci uzo di e oportunidad tambe pa anuncia inicio di ‘lespakket’ tocante traficacion di hende pa scolnan secundario.

Education Politica

Rudy Lampe (RED) : RED a boga pa mas entrada pa docente

Pesei mi a forma un comisión, y mi ta corda nos a reuni pa prome biaha na edificio bieu ainda di Directie Onderwijs prome cu a muda pa JFK. Ma presenta e plan di Pago según Prestacion, cu mi conoce dor cu mi a traha c une na universidadnan den exterior. Na Aruba docentenan cu yega na edad di 38 ana ta yega nan plafond pa loke ta salario. Pesei mi a propone pa tur docente riba edad di 38 ana ta risibi pago según prestacion riba nan salario. Pa cada prestación, manera sigui un vurso online of trabao voluntario pa e scol, e docente ta risibi tanto punto, y según e puntonan risibi ta corresponde un toelage riba e salario. Y cada tres ana, por ehempel, ta renoba montante di e toelage dependiendo di e prestación di e docente den e periodo anterior.

Education Noticia

Aruba Excellence Foundation ta otorga 29 scol di S.K.O.A. cu A.C.P. Recognition Award

E siguiente paso ta cu A.E.F. lo capacita e docentenan pa incorpora informacion corecto di Aruba, usando e materiaal di Aruba Certification Program den nan les por ehempel den e vak ‘Wereld oriëntatie’. Tambe lo percura pa semper tin conneccion cu – y traha segun e ‘kerndoelen en eindtermen’ stipula pa Directie Onderwijs y Inspectie. A.E.F. por haci esaki danki na e colaboracion cu tin cu I.P.A. caminda cu e trainers di A.C.P. ta wordo capacita segun e stipulacionnan aki como tambe e 21st Century Teaching Skills. Di e forma aki, nos muchanan na scol lo haya sa mas tocante Aruba su historia, cultura y tradicionnan, desaroyo di nos industrianan, servicio excelente y cordial cu Aruba su zjeito, y e importancia di Turismo pa Aruba.

Education Gobierno

MINISTER ENDY CROES A RICIBI E RAPPORT FINAL DI E DOORLICHTING VAN HET ARUBAANSE ONDERWIJSBESTEL.

ORANJESTAD: Diaranson ultimo Minister Endy Croes a ricibi Inspector General di Aruba sr. John Hessen unda cu oficialmente manera a keda palabra cu Hulanda a haci entrega na e mandatario di Enseñansa di Doorlichting van het Arubaanse Onderwijsbestel. Eindrapportage: Van plan naar aanpak. Na luna di december 2021 Inspectie di Hulanda y Inspectie di Aruba a entrega e Tussenrapportage. Dicho rapport a wordo publica fin di januari di e aña aki y den palabracion cu Hulanda a determina cu fin di luna di september / october Aruba lo haya e rapport final. Inspectie di Hulanda tabata na Aruba na dos diferente occasion: na luna di april y juni / juli pa haci e ultimo investigacion y entrevistanan cu tur “stakeholders” den e veld di enseñansa. E rapport tin tur e investigacionnan di enseñansa en general na Aruba, leynan di enseñansa, tipo di enseñansa, “doorstroom” voorschool y naschool. E investigacion a produci un total di 13 recomendacion cu tin cu bay traha riba nan. Minister Endy Croes a enfatisa cu ta trahando riba algun di e recomendacionnan aki caba. Concluyendo Minister Endy Croes ta gradici Inspectie di Aruba como tambe di Hulanda pa nan trabounan haci na bienestar di enseñansa den su totalidad.

Cultura Education Noticia

Ultimo charla di e serie Hoyanan di Herencia Cultural Subacuatico na Aruba

Diahuebs dia 27 di october, di 7.30 pa 9’or di anochi, e ultimo lectura di e ciclo di charla “Hoyanan di Herencia Cultural Subacuatico na Aruba” lo tuma luga. E presentacion cu ta na encargo di arkeologo drs. Raymundo Dijkhoff, lo tuma luga den auditorio di Museo Arqueologico Nacional Aruba (MANA) y lo ser duna den nos dushi idioma Papiamento. E anochi aki lo informa publico presente tocante e contenido di e Convenio 2001 di UNESCO y exploracion di dos paisahe cultural maritimo cu a ser haci pa prome biaha na nos isla. Entrada pa e charla aki ta gratis y un y tur ta bon bini!

Education Gobierno Social

Minister Endy Croes y Minister Rocco Tjon a reuni cu profesornan y ekipo cu pronto lo haci investigacion riba e topico “Quality of Life of the Aruban Youth”.

ORANJESTAD: Durante siman Minister Endy Croes hunto cu colega Minister Rocco Tjon a reuni cu  investigadonan academico di IPA y Vrije Universiteit van Amsterdam cu pronto ta inicia cu un investigacion grandi riba e calidad di bida di hubentud di Aruba. Hunto cu e  profesionalnan den e campo aki a haci un bishita pa asina finalisa e ultimo preparacionnan pa inicia cu e proyecto. Nomber di e investigacion ta “Quality of Life of the Aruban Youth”.

Education Gobierno

Minister Endy Croes: 𝗟𝗔 𝗦𝗔𝗟𝗟𝗘 COLLEGE  EXAMENKLAS 𝗔 HACI UN 𝗕𝗜𝗦𝗛𝗜𝗧𝗔 NA MINISTER DI ENSEÑANSA Y DEPORTE Y PREMIER WEVER-CROES ASERCA DI CON PAIS ARUBA TA WORDO GOBERNA

Minister di Enseñansa y Deporte Endy Croes hunto cu nos Premier Wever-Croes, a ricibi bishita di alumnonan di examenklas di La Salle College. Un total di 36 alumno  y 3 docente a realisa e bishita aki. Prome alumnonan y docentenan a bishita Parlamento di Aruba na unda cu nan a ricibi informacionnan con Parlamento di Aruba ta funciona, cu ta esnan cu tin tarea pa controla Gobierno y despues e alumnonan a pasa pa Bestuurskantoor na unda cu Premier Wever-Croes y Minister Endy Croes a ricibinan y duna un amplio informacion y splicacion con Aruba ta wordo goberna y aserca di cada funcion. Prome Minister a cuminsa ta elabora un poco riba e trabou di un Minister, responsabilidadnan, Conseho di Minister y e organo mas halto cu ta tuma decision den gobierno. Despues Minister Endy Croes tambe a splica aserca di tur su trabounan como Minister di Enseñansa y Deporte y cu apesar di tur retonan den enseñansa cu ta existi, ta trahando pa logra soluciona cada un di e retonan akin a bienestar di nos studiantenan y maestronan.