ARUBA A CELEBRA DIA DI HIMNO Y BANDERA NA GRANDI
Celebracion di nos dia nacional, Dia di Himno y Bandera fin di siman tras di lomba tawata hopi bunita na unda cu pueblo di Aruba a sali y celebra na grandi. E celebracionnan a cuminsa ya caba luna pasa cu e Parada Nacional, Cend’e Mecha 2023. E luna aki tabata tin e Concierto Cultural Nacional, e Festival Canto na nos Himno y Bandera, e Manifestacion Cultural dia 17 di Maart anochi cu tabata sumamente bunita, e Acto Protocolar dia 18 di Maart y esaki a wordo culmina cu e desfile di tur e gruponan uniforma cu mas o menos 635 participante den e gruponan di scouting so.
