Category: Gobierno

Desde inicio di gobernacion di Gabinete Wever-Croes na aña 2017, innovacion tabata un prioridad y a wordo poni central den maneho di Gobierno. Innovacion no tabata solamente automatisacion sino tambe un forma nobo di busca solucion pa e diferente retona

ORANJESTAD – Prome Minister Evelyn Wever – Croes a ricibi bishita di tres musico, sr. Carlos Bislip, sr. Ivan Quandus y sr. Angelo Kock, cu cuminsando e fin di siman aki (18 di september te cu 25 di september) ta bay representa Aruba na un festival cu ta bay tuma luga na Venezuela, riba invitacion di embahada di Reino Hulandes na Caracas.

ORANJESTAD – Diaranson mainta Minister di Turismo sr. Dangui Oduber a ricibi un recorido y conoce un poco mas di e operacion di e hotelnan di Divi Resorts. Divi ta un di e resortnan cu durante e temporada di pandemia a sa di mantene cada un di nan empleadonan na pia di trabou. E Director General sr. Marin Bijl a duna di conoce cu Divi Resorts no a spera cu e recuperacion di nos turismo tabata asina bon, e la menciona cu solamente e prome cuartal di aña 2022 tabata poco keto. Minister Oduber a ricibi tambe un presentacion di e General Manager di Divi Village Golf & Beach Resort sr. Ferry Zievinger. Hunto cu sr. Freddy Zedan, Director of Hotel Operations, Minister a pasa un mainta ricibiendo hopi informacion.

Durante ultimo siman Aruba a ricibi ICAO (Organization Internacional di Aviacion Civil) su team di expertonan pa asisti Departamento di Aviacion Civil di Aruba (Directie Luchtvaart Aruba), pa un evaluacion di e leynan y procesonan actual di e departamento.

ORANJESTAD – Colegio Laura Wernet-Paskel ta celebrando 60 aña di existencia di e scol. Scol Laura Wernet-Paskel ta un scol cu durante 60 aña a yuda educa hopi di nos muchanan specialmente di e bario Cadushi Largo na Santa Cruz y na un forma hopi ehemplar a forma ciudadanonan di e bario. Tambe a celebra 2 hubilario esta Juffrouw Winifred Kaarsbaan ‘Frida’ cu a cumpli 25 aña di servicio y Juffrouw Milène Croes-Feliciana cu a celebra 30 aña di servicio. Na mesun ocasion di aniversario di e scol, ta para keto na e 60 aña di fayecimento di señora Laura Wernet-Paskel. Na e celebracion a asisti tambe Minister di Enseñansa Endy Croes y Juffrouw Baily.

ORANJESTAD: Diadomingo ultimo Colegio Laura Wernet Paskel a celebra 60 aña di existencia alabes a recorda fayecimento di e gran persona sra. Laura Wernet – Paskel.  Na bida sra. Wernet – Paskel tabata mama, docente, e prome politico femenino y autor cu a laga su marca y historia graba den enseñansa y comunidad di Aruba. E prome hende muhe cu a sigui su educacion na Hulanda. Presente na e ocasion special aki tabata Minister Endy Croes conhuntamente cu Prome Minister Evelyn Wever – Croes, directora di SKOA, sra. Anuesca Baly y demas invitadonan special.

Prome Minister Evelyn Wever-Croes dialuna ultimo a anuncia cu desde dialuna 12 di september, 2022, a de-escala e fase di crisis y ta bay den fase di rehabilitacion cu lo dura te cu 31 di december di e aña aki. Crisis team no ta bay traha mas cu e landsbesluit, e decreto, ni e ‘ministeriele regelingen’ basa riba e ley di calamidad. E landsbesluit den cual a decreta Covid como un crisis, a wordo hala aden desde e fecha menciona.

ORANJESTAD – Departamento di Impuesto ta un departamento di gobierno cu tin e tarea pa garantisa entrada di impuesto y pa facilita e contribuyente pa por cumpli cu su debernan fiscal. Responsabilidad fiscal ta encera entregamento di declaracion y pago corespondiente na tempo. E cumplimento of “compliance” pa cu pago di impuesto ta un parti importante di un bon comportacion fiscal.

ORANJESTAD: Minister Endy Croes tabata presente diadomingo ultimo na e di 42 edicion di Turibanaloop walk & run 10.5K. E careda a inicia 6’or di mainta na MFA Noord. E coredonan por a participa den diferente categoria individual, ‘open duo’, ‘corporate duo’ y ‘running team challenge’.

ORANJESTAD: Diabierna anochi Minister Endy Croes a presencia e presentacion Musical ‘Planta awe, cosecha mañan’ cu Fundacion Crea y Conserva Arte y Cultura di Aruba (CCCA) y Maria College MAVO a produci bou direccion di Ferdinand Franca. E musical aki a wordo dedica na nos baluarte Sr. Vicente Ras cu a ronca e tambu den Cas di Cultura.