Nos t'ey pa Informa bo
ORANJESTAD—Siman pasa, Prome Minister Evelyn Wever-Croes a ricibi resultado di e rapport National Integrity Scan (NIS). Desde cu Prome Minister a asumi e cargo di Minister President den Gabinete Wever-Croes I na aña 2017, tabata hopi importante pa pone riba agenda di Gobierno e tema di integridad.
Siman pasa, Prome Minister Evelyn Wever-Croes a ricibi for di man di e hoben studiante di OGM na Universidad di Aruba, Marilynn Hermans, e resultado di su investigacion riba e proceso di otorgamento di tereno. Den cuadro di su studio, Marilynn mester a haci un investigacion di e proceso y el a duna recomendacion di con esaki por wordo mehora.
Despues cu Parlamento a aproba Presupuesto di Pais Aruba, a keda ainda algun presupuesto chikito pa aproba. Diahuebs a trata e presupuesto di Raad van Advies pa 2022. Raad van Advies ta e organo cu ta duna conseho na Gobierno riba tur ley y cada ley cu wordo trata na Parlamento ta bin cu e conseho di Raad van Advies.
ORANJESTAD — Siman pasa tabata di bishita na Aruba, Consul General Mericano na Corsou, señora Margy Bond, cu a bin pa cera conoci cu Gobierno di Aruba. Consul Bond a wordo apunta recientemente y a haci su prome bishita na Aruba y a cera conoci cu Minister President señora Evelyn Wever-Croes.
Rijkswet Caribisch Orgaan voor Hervorming en Ontwikkeling (COHO) ta e ley di consenso cu ta e palabracionnan cu ta wordo haci si acaso e paisnan no cumpli cu e Landspakket. E COHO ta rigi e sancionnan cu tin si Aruba no cumpli. Y kico ta e consecuencia si Hulanda no cumpli. “E balance of poder den e COHO ta hopi na banda di Hulanda y esey ta locual cu hopi persona tin problema cu n’e. Ami tambe tin problema cu esaki. Nos a negocia pa trece mas den balance pero no a logra”, Prome Minsiter Evelyn Wever-Croes a duna di conoce.
Como un costumber caba, cada aña na ocacion di celebracion di Aña di Rey, Comision Condecoracion Real Aruba a organisa e evento na unda ciudadanonan cu a destaca den comunidad a bin na remarke pa ricibi un Condecoracion Real. Gobierno di Aruba no tin ningun rol den e decision pa Condecoracion Real pero semper ta encurasha nos comunidad entrega mas proposicionnan di ciudadanonan cu a descata compara cu e añanan anterior.
ORANJESTAD: Den un encuentro ameno hunto cu colega Prome Minister Evelyn Wever- Croes nos ricibi bishita di Sra. Olga Buckley cu a lansa e di cinco y ultimo buki di un serie di buki di mucha, titula ‘Ami, Bencho’.
Diaranson 13 di April 2022, Minister di Transporte, sr. Ursell Arends a tene un reunion cu miembronan di Raad van Commissarissen nobo di Arubus N.V. Den un ambiente ameno a intercambia idea nan como tambe e vision di e Ministerio di sr. Arends pa cu Arubus, Aruparking y Arutram. E Raad van Commissarissen a wordo nombra dia 7 di April durante e aandeelhoudersvergadering
Contraloria General, ARA (Algemene Rekenkamer) awo ta completo atrobe. Diaranson 13 di April, dos miembro nobo, señora Xiomara Croes-Williams y señor Christopher Lake a huramenta dilanti Gobernador di Aruba, Su Excelencia Alfonso Boekhoudt. Hunto cu miembro señor Rick Samuels y Secretaris señora Mary-Ann Curet, awor e Colegio halto di estado, ARA ta completo.
Despues cu Eagle LNG a firma cu Aruba na December 2021 awe ta sigui nos ruman isla Curacao cu tambe ta bay over na gas y cuminsa un etapa nobo den energia .
