Nos t'ey pa Informa bo
ORANJESTAD – Minister di Salud Publico sr. Dangui Oduber ta contento di por anuncia cu e Banco Social di aseguradonan esta SVb a lansa un App pa nos pensionadonan. E portal di MiPensioen tabata disponibel caba desde aña 2019, na aña 2020 SVb a digitalisa henter nan proceso, awor den tempo corto ta lansa e tremendo App pa telefon mobil cu yama MiPensioen.
ORANJESTAD – Minister di Salud Publico sr. Dangui Oduber ta contento di por anuncia cu e Banco Social di aseguradonan esta SVb a lansa un App pa nos pensionadonan. E portal di MiPensioen tabata disponibel caba desde aña 2019, na aña 2020 SVb a digitalisa henter nan proceso, awor den tempo corto ta lansa e tremendo App pa telefon mobil cu yama MiPensioen.
E siman aki Minister di Cultura tabata na Archivo Nacional enconexion cu Campaña 3-C a yega na su final despues di varios siman di campaña. Cu e campaña aki Archivo Nacional por a Colecta, Conoce y Conserva historia di nos Pais Aruba. Mester trece dilanti cu e portanan di Archivo Nacional ta keda habri pa tur esnan cu ta desea di trece informacion y materiaal cu ta contribui na e memoria colectivo di nos Pais.
Durante conferencia di prensa diahuebs mainta Minister di Asuntonan Economico, Comunicacion y Desaroyo Sostenibel, mr. Geoffrey Wever a anuncia cu entrante 14 di september, Gasolin lo baha cu 25.2 cent (-8.6%), Diesel lo baha cu 8.5 cent (-3.1%), y Kerosin lo baha cu 9.7 cent (-3.8%).
ORANJESTAD: Recientemente den un encuentro social a tuma despedida oficial di sr. Erwin Arkenbout, representante di Hulanda na Curaçao. Esaki a tuma luga na Quinta del Carmen y a conta cu presencia di Su Excelencia Gobernador di Aruba Alfonso Boekhoudt, Prome Minister y demas colega Minister, miembronan di Parlamento di Aruba como tambe representantenan di sectornan comercial y semi publico
ORANJESTAD: Recientemente Gobernador di Aruba a ofrece un bunita recepcion na Cas Ceremonial pa despedida di Gobernador S.E. Eugene Holiday di Sint Maarten, cu dia 10 di october proximo su di dos periodo di trabou ta yega su final. Gobernador Holiday di Sint Maarten ta e prome y unico Gobernador te ainda cu Sint Maarten a conoce. Presente ne atardi special aki tabata Minister President sra. Evelyn Wever- Croes y miembronan di Parlamento di Aruba a haci uzo di e oportunidad pa despedi di Gobernador di Sint Maarten.
ORANJESTAD: Diahuebs mainta den un encuentro ameno Minister Endy Croes a gradici y felicita miembronan di prensa pa nan excelente trabou cu nan ta eherece, di informa nos pueblo di Aruba debidamente, buscando semper e informacion corecto pa comparti.
ORANJESTAD – E siman aki a tuma luga e conferencia anual Aruba Innovation Summit 2022: The New Era of Reinvention. Prome Minister di Aruba alabes Minister di Innovacion Evelyn Wever – Croes a expresa na e ocasion cu e ta un honor pa hiba palabra y duna bon bini na tur cu tabata presente na e evento. Proposito di e conferencia ta pa trece e comunidad hunto pa colabora y inspira otro.
ORANJESTAD: Diabierna ultimo na Marina Pirata di famia Donker, na unda cu sr. Ricky Donker tambe a wordo reconoci, a tuma luga un anochi dedica na e atletanan cu a forma parti di seleccion di Aruba y a titula campeon Latino Americano Senior Division na aña 1981 na Puerto Rico. Como tambe campeon Latino Americano Senior Division na 1982 na Sint Maarten. Dos biaha nos seleccion a titula campeon y na dos ocasion a representa Aruba den Serie Mundial cu a tuma luga na Gary Indiana na Merca.
Durante un conferencia di Prensa di Gobierno di Aruba, Minister di Finansa y Cultura Sra. Xiomara Maduro a presenta e Nota di Fin di Aña (Najaarsnota) 2022 cu ta contene e cambionan proponi pa Presupuesto 2022. Conforme e ciclo presupuestario, prome cu fin di e aña Gobierno ta presenta un cambio di presupuesto pa asina haya aprobacion di Parlamento pa e cambionan cu ta presenta durante e aña den gasto y entrada. E aña aki Gobierno a acelera e proceso presupuestario aki teniendo cuenta cu e ultimo conseho di CAFT y e menaza pa Aruba haya un instruccion di Conseho di Minister di Reino.
