Nos t'ey pa Informa bo
Symposio “The Restauration of the Common Good” organisa pa Fundacion Digna Lacle Herrera, Plataforma Hobenan Profesional y Fraccion di AVP, a inspira un marco di referencia fuerte pa nos comunidad tin como guia pa maneha temanan hopi profundo.
Ya na 2021 a purba introduci pagamento pa medicina, pero a ser hala aden dor cu nos pueblo no por a paga y tabata net prome cu eleccion. Segun conseho di Raad van Advies ariba e cambio di Landsbesluit correspondente di mei 2022, gobierno no a splica e consecuencia pa salud di nos pueblo. Wyatt-Ras a trece ehempel di recibonan cu un cuidadano a paga pa su medicinanan di entre 1-6 di oktober recientemente. Unda cu si conta e suma nan di 17.96, 10.73 y 19,40 ta yega na un suma di 48.09 florin. Imagina si e cuidadano aki mester bai bek busca mas medicina. Lo bira cu esnan cu no por paga pa medicina lo no por zorg pa por cura of mehora, locual lo trece cun’e klassezorg y tambe lo haci cu salud di nos pueblo cu no por paga lo deteriora, locual lo trece mas gasto cun’e a lo largo.
Diamars 25 di October Prome Minister Evelyn Wever-Croes tawata na Corsou pa un dia pa atende reunionnan di Reino riba relacionnan exterior, ‘Koninkrijksoverleg Buitenlandse Betrekkingen’, (KOBB). Prome Minister hunto cu Premier di Corsou Gilmar ‘Pik’ Pisas y Premier di Sint Maarten Silveria Jacobs a reuni cu Minister encarga cu Relacionnan Exterior Wopke Hoekstra di Hulanda.
Desde e luna di September Partido AVP a inicia cu anochinan di asistencia pa cu yenamento di e formulario di Impuesto na Cas di Partido Playa. For di tur skina di Aruba ciudadanonan a asisti na Cas di Partido pa asina ricibi ayudo cu nan formulario di e equipo di expertonan voluntario. Centenares di ciudadano a bini Cas di Partido playa pa ricibi asistencia e ultimo siman nan tras di lomba y centenares di formulario di impuesto a wordo yena. Partido AVP ta contento cu e reacion di nos comunidad y ta intenta pa mehora e servicio cada aña pa asina por sigui asisti nos ciudadanonan.
ORANJESTAD – Dialuna a cuminsa e “Immerse Innovation Week” caminda cu durante henter e siman rond Aruba lo tin actividad di innovacion ta bay tuma luga. A traves di e website immerseweek.org, tur hende cu ta interesa por mira cual actividad tin, registra y atende esakinan. Gobierno di Aruba a traves di Futura lo coordina esaki.
Diabierna mainta Secretaria di Estado sra. Alexandra van Huffelen a comparti e grato noticia cu Aruba no ta haya un aanwijzing di RMR. Esaki ta pasobra cu gobierno a adapta e presupuesto 2022 suficiente na e normanan di RMR cu e mester a cumpli cu ne, y asina sra. Van Huffelen a elogia e esfuerso di gobierno y su profesionalnan cu nan ta riba e bon caminda. Ta importante pa Aruba yega na un finansas y economia sano y cu e por paga su debe y haci inversionan atrobe den e pais. Esaki ta e enfoke di Hulanda, pero tambe di gobierno cu a bin hereda un megadebe cu tabata casi na 90% di nos GDP, sin conta proyectonan PPP aden.
Utilities Aruba N.V., cu ta representa gobierno di Aruba, a duna e compania Eagle LNG (Texas, USA) e contract pa ehecuta e plan aki. Ta trata aki di un contract secreto, un asina yama “non-disclosure agreement” cu Eagle LNG a negocia. Pues tur informacion cu tin den e contract aki referente con, ken, kico, ki tempo y risiconan, etc. no ta disponibel pa niun hende.
Como lider di Fraccion di AVP, te cu awe ta un biaha so mi a experiencia Mike Eman su presencia den Commissie Huishoudelijk Aangelegenheden (CHA), nunca e ta bay reunionnan di IPKO, praticamente no ta asisti na ningun reunion di demas comisionnan di Parlamento y ora e tey pa un reunion publico nunca tin pregunta of a prepara pa e topico pero mas bien ta bay riba su tour di fantasia y elogio propio sin kier acepta e realidad di su mal maneho y mega debe. Un lider cu ta scoge pa instiga y sigui dividi pueblo na lugar di forma parti di e solucion of aporta realmente na bienestar di su pueblo ta un berguensa. Nos pais ta pasando den momentonan hopi dificil y nos tur na un manera of otro por aporta na recuperacion di nos isla. Esaki sigur bo no ta haci criticando sin duna con abo lo a haci’e otro.
DiscoverEU of na Papiamento Discubri Europa, ta un iniciativa cu solamente hobenan cu a nace entre 1 januari 2004 cu 31 december 2004 por haya e chens unico pa discubri Europa. Durante bishita di e delegation di Aruba na Brusselas como e representantenan di OCT-youthnetwork. Durante e siman entre 15 di oktober te cu 22 oktober 2022. Nos a recibi hopi informacion valioso cu nos lo ta compartiendo cu e miembro di prensa.
Ta asina cu nos como parlamentario a y ta ricibiendo hopi keho encuanto cobransanan hopi halto di utilidad cu nos hendenan a ricibi. Ta trata cobransa cu a drenta fin di September 2022. WEB a indica cu nan no a ricibi mas keho cu nan usualmente ta ricibi, pero Elmar si a indica cu nan a ricibi hopi keho. Mirando e situacion Elmar a dicidi pa start e investigacionnan necesario caminda entre otro ta haci e analisis di e uzo concreto durante e lunanan anterior y ta laga controla e meternan.
