Category: Noticia

Riba diamars 20 di september Reprecentacion di Hulanda na Aruba (VNO) hunto cu alumnonan di historia y institucion di estado (geschiedenis en staatsinrichting), for di VWO clase 6 di Colegio Arubano y Schakelcollege, a organisa e actividad di Prinsjesdag anual.

ORANJESTAD – Director di DOW Marlon Croes a elabora riba e situacion di mantencion di Fontijn nan cu tin den Oranjestad. Actualmente tin 3 fontijn, (1) Plaza Padu patras di Bestuurskantoor, (2) Plaza Daniel Leo, (3) situa entre Penha y La Moderna.

Desde 1999 Fundacion Telefon pa Hubentud Aruba pa medio di su servicio ta duna informacion, opcion y sosten emocional na mucha y hoben di Aruba. Pa haci esaki Fundacion Telefon pa Hubentud Aruba ta haci uzo di diferente instrumento manera: telefon, email, chat, website, charla, workshop y proyecto. Desde maart y juni di e aña aki Fundacion Telefon pa Hubentud Aruba ta dunando informacion, opcion y sosten emocional pa medio di telefon na e muchanan y hobenan di St. Eustatius y Saba tambe.

Den cuadro di Codigo di Proteccion, Fundacion Telefon pa Hubentud Aruba a ser aserca door di Unicef Nederland pa organisa diferente focusgroup cu hobenan.  Unicef Nederland conhuntamente cu Augeo Foundation, Ministerio di Husticia y Asuntonan Social y un grupo di profesionalnan na Aruba ta creando un ‘Toolkit Digital’ unda tur profesional den e sector social, di educacion, husticia y salud por educa nan mes ariba diferente tema tocante maltrato di mucha.  

Gustosamente MANA (Museo Arqueologico Nacional Aruba) ta extende un invitacion special na tur interesado di arkeologia y historia di Aruba pa participa na e webinar menciona, cu lo tuma lugar dia 29 di september cuminsando pa 2 or di merdia.  E lectura digital ta tocante DNA antiguo, cu ta material di “cromosoma” saca di restonan arkeologico. E tecnica pa saca DNA antiguo a revoluciona e ramo di arkeologia y a resulta den perspectivanan nobo riba historia di humanidad y riba historia di nos famianan.

Parti di e funcionamento (actividadnan di trabou) di un Hunta di Directiva ta reuni regularmente cu alto dignatarionan y stakeholdernan importante. Ta esencial pa informa otro di asuntonan cu ta andando, pa ‘brainstorm’ riba opcionnan y tambe futuro. Horacio Oduber Hospital tin un impacto social di sumo importancia pa e comunidad di Aruba, turistanan y tambe e indocumentadonan. E importancia pa tin un hospital cu ta operaciona mane debe ser, ta financieramente saludabel, amabel y calitativamente fuerte ta esencial pa e salud publico y e continuacion di turismo cual ta e pilar economico.

Prome Minister ta reuni cu famia Kelly en conexion cu terenonan rond di Ayo LO TRECE AYO ROCK FORMATION BEK DEN SU GLORIA ORIGINAL ORANJESTAD — Diaranson 14 di September, … Read More

Fundacion Telefon pa Hubentud Aruba a bishita Semelerstraat, Bushiri, Seroe Patrishi, Tarabana, Sabana Basora Noord, Cura Cabai Zuid, Village y De Vuyst. Durante e bishita Fundacion Telefon pa Hubentud Aruba ta duna mayornan informacion tocante e servicionan di Fundacion Telefon pa Hubentud Aruba. Durante e bishitanan Fundacion Telefon pa Hubentud Aruba a logra di duna informacion tocante nan trabao na 5180 persona.