Nos t'ey pa Informa bo
ORANJESTAD – Diahuebs, Parlamento di Aruba a aproba e presupuesto 2022 di e Tourism Product Enhancement Fund (TPEF), caminda Minister Dangui Oduber a trece puntonan cardinal dilanti cu ta importante pa fortalece nos unico pilar economico. E Minister a gradici Parlamento pa aproba esaki, marcando un paso importante pa e desaroyo turistico di Aruba.
ORANJESTAD: Diahuebs den ora tempran di mainta Minister Endy Croes a bishita Arco Iris Kleuterschool en conexion cu celebracion di 25 aña di servicio di juffrouw Mariebelle Arends y juffrouw Nyree Hart. E mainta festivo a inicia cu himno di Arco Iris Kleuterschool canta pe alumnonan, sigui pa palabra di bon bini pa cabesante di scol juffrouw Nelly Orman – de Cuba.
E proceso di tratamanto di presupuesto ta brinda hopi informacion ademas di e memoria di splicacion mes cu ta compaña concepto di ley di presupuesto di pais Aruba pa aña 2023. Un presupuesto cu na prome lugar despues di 15 aña a cu a cumpli cu ley door di a wordo entrega na ora, per 1 di september
Entrante prome di januari 2023, salario minimo lo wordo aumenta, pensioen di biehes tambe lo aumenta, lo aumenta reparatie toeslag di pensionadonan y lo reduci impuesto di pensionadonan door di haci calculacionnan separa. Mester menciona, cu Gobierno lo baha impuesto riba tur salario y entrada di tur hende.
MACUARIMA, SANTA CRUZ: Cuerpo policial kier a informa pueblo cu en conexion cu e entregamento di arma di candela na e dos warda di polisnan e camaranan a ser kita pa asina no trese confusion.
MACUARIMA, SANTA CRUZ: Ayera den oranan di mainta un equipo special a bay den cayanan di Oranjestad hunto cu famia Ramchandani-Godet un biaha mas pa haci entrega di un calacuna na famianan di menos recurso den centro di cuidad. Esaki cu sosten di polis di bario di Oranjestad pa cu e bunita causa aki. Diferente famia a keda masha agradecido di por a haya un calacuna pa dia di “Gracia”. Den momento di mas dificil e bondad di por yuda otro ta alegra bo curason.
Diamars dia 29 di november te diahuebs dia 1 di december awor lo tuma lugar un tayer internacional cu expertonan di Caribe na Museo Arquelogico Nacional Aruba (MANA). E tayer tin como tema: Solucionnan di Conocemento tradicional pa resiliencia y adaptacion na cambio di clima den presente y futuro di Caribe.
MACUARIMA, SANTA CRUZ: Cuerpo Policial Aruba ta di celebracion pero tambe un momento pa recorda e esfuerso y dedicacion di cuater polis cu ta den funcion y sirbiendo nos Pais pa 40 aña largo.
ORANJESTAD – Recientemente Minister di Husticia y Asuntonan Social Rocco Tjon, a firma un Memorandum of Understanding (MOU) cu Boneiro, pa asina forma un aliansa pa traha mas di serca cu otro pa loke ta trata ambos Family Justice Center.
Desde diabierna 14 di oktober 2022, Oficina Central di Estadistica (CBS) ta ehecutando un encuesta tocante mucha y hoben: Encuesta di Mucha y Hoben 2022. E proposito di e encuesta aki ta pa haya un mihor bista di diferente tema di importancia pa mucha y hoben, por ehempel: actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayor, uso di celular, medionan social, gaming y posibel problemanan relata na esakinan, humamento/vaping, uso di alcohol y droga y salud mental. E encuesta lo tin un duracion di 1 luna.
