Category: Noticia

Noticia Politica

Drs. Mervin Wyatt-Ras:

Na momento cu a cuminsa trata e presupuesto, nos fraccion, como acto di protesta, a bandona sala di parlamento pa mustra cu nos no ta di acuerdo cu e forma con e presupuesto ta wordo trata. Presidente di parlamento a bai den prensa y a yama esnan cu a sali tras di lider di AVP, sr. Mike Eman pa carne. Wyatt-Ras ta puntra e presidente ta ken a keda tras e cabritonan y e buriconan? Wyatt-Ras ta cuestiona e forma baho y mahos pues cu e presidente ta papia cu parlamentarionan. Un presidente di Parlamento ta representa henter Parlamento. Edgar Vrolijk mester sinja su trabou. E mester sa awor cu no por haci expresion asina ey. Su tarea ta pa representa henter Staten. E no tey y no ta wordo paga pa representa su partido so y mucho menos pa representa su fraccion.

Noticia Turismo

Minister Dangui Oduber :

Minister di Turismo Sr. Dangui Oduber. E ta yena bo di satisfaccion pa por mira nos waf yen di barconan crucero. Aruba ta ricibi un otro First Call di un mega crucero den e caso aki di Harmony of the Seas di Royal Caribbean Cruiselines. Conhuntamente cu e barconan crucero di Celebrity Reflection y Enchanted Princess tabata tin mas di 10 mil turista crucero diaranson riba Aruba. Esaki sigur ta refleha cu nos recuperacion ta den ful swing.

Noticia Politica

Parlamentario Ricky Hoek:

For di dialuna 7 di november te cu dialuna 14 di November ultimo, Parlamento di Aruba a cuminsa cu e tratamento di e ley di presupuesto 2023 di pais Aruba. Un siman completo a pasa y ni un dia e 10 parlamentarionan di banda di oposicion a debati riba dicho ley.

Gobierno Noticia

Prome Minister Evelyn Wever-Croes:

Diaranson 16 di November, un dia historico pa nos pais pa loke ta trata presupuesto di nos pais, un presupuesto historico den tur sentido. Parlamento a aproba e Presupuesto 2023 cu tin un surplus di 63 miyon florin. Prome Minister Evelyn Wever-Croes personalmente ta considera esaki hopi particular pasobra e ta refleha e compromiso di Gabinete Wever-Croes desde cu a cuminsa goberna na 2017. E meta desde e prome dia tawata pa soluciona e problemanan financiero di nos pais. “Nos a traha hopi duro pa logra”.

Noticia

Workshop Idea “Time for Taxes”

ORANJESTAD – Departamento di Asuntonan Economico, Comercio y Industria (DEZHI) mediante su unidad di Iniciativa pa Desaroyo pa Empresa Arubano (IDEA) y cu colaboracion di Departamento di Impuesto (DIMP) kier a gradici tur persona cu a atende e workshop di ‘Time for Taxes’ riba, 15 november ultimo.

Deporte Noticia

MINISTER ENDY CROES :

ORANJESTAD: Dialuna atardi den un esfera ameno Minister Endy Croes a ricibi atleta y coach di Tiger Taekwondo Academy cu a conkista diferente medaya den e prome Panamericano Infantil y Open G2 na cu a tuma luga den luna di october na Sogamoso, Colombia. E seleccion a logra un total di 13 medaya. Concluyendo Minister Endy Croes ta felicita y gradici nos atletanan pa nan excelente prestacion. Danki pa pone Aruba su nomber briya den exterior. Alabes ta gradici e entrenandonan sr. Teofilo Rodriguez y Jason Ridderstaat como tambe e mayornan pa sostene nan yiu den e deporte di Taekwondo cu boso deseo, disciplina, dedicacion y determinacion boso a logra. Masha Pabien cu boso excelente prestacion y logro. Nos ta orguyoso di boso!

Gobierno Noticia

Minister Endy Croes:

ORANJESTAD: Diaranson mainta despues di 8 dia largo di reunion presupuesto di pais Aruba pa aña 2023 a wordo aproba pa Parlamento di Aruba. Un presupuesto cu un surplus di 1%, 63 miyon florin.

Deporte Noticia

MEET & GREET AVB :

Ayera anochi den Allegra Bistro situa den Courtyard by Marriott Aruba Resort a tuma luga e prome “Meet & Greet” di Arubaanse Voetbal Bond cu e Miembronan di Prensa. E tawata un anochi placentero unda cu President di AVB Sr. Randolf Lacle a habri e anochi dunando un palabra di bon bini y gradici e Miembronan di Prensa pa nan presencia. Sr. Lacle a introduci e 6 Miembronan di Bestuur cu ta Sr. Frans Dijkhoff, Sra. Rosemin Croes, Sra. Geetanjali Khemlani, Sra. Mildred Wever, Sr. Howard Hart y Sr. Albert Lake Jr. Sr. Lacle a informa cu aparte di bestuur, AVB tin su staf cu haci trabou nan diario y di cual desde januari di e aña aki Sr. Hubert Solagnier a bira e Secretario General di AVB.

Gobierno Noticia

Minister Glenbert Croes:

ORANJESTAD-Durante tratamento di presupuesto 2023 den Parlamento, Parlamentario Setty Yarzagaray a toca e tema di salario minimo. Den cuadro di esaki, Minister di Labor Glenbert Croes a splica cu e proceso pa aumenta salario minimo ta canando su caminda. Actualmente ya gobierno a ricibi conseho riba e tema aki caba di Directie Arbeid & Onderzoek (DAO) y ta sperando riba e conseho di Sociaal Economisch Raad (SER) pa asina por hiba un proposicion Conseho di Minister.