Category: Noticia

Noticia Salud Travel

Pa biaha of drenta Aruba cu bestia tin exigencianan cu mester cumpli cu nan.

Prome cu haci reservacion di buelo e doño di e bestia mester busca informacion corecto di antemano pa asina por cumpli cu tur exigencia. Pa haya informacion pa drenta Aruba por manda un e-mail na vetservice@dvg.aw. Na momento di biaha pa exterior mester busca di antemano e informacion aki na e servicio veterinario oficial di e pais unda kier bay. Importacion di bestianan domestico for diLatino America y America Central, incluyendo Mexico, Haïti, Republica Dominicana y Cuba ta prohibi. Tin excepcion cu ta mara na cierto exigencianan si e mascota ta parti di un mudansa. Pa mas informacion riba e importacion of exportacion di bestia domestico tuma contacto cu Veterinaire Dienst.

Noticia tempo

Update di Tempo

SITUACION GENERAL DI TEMPO PA PROXIMO 24 ORA:
HUMEDAD Y INSTABILIDAD DEN REGION TA ABUNDANTE
DEBI NA POTENTIAL TROPICAL CYCLONE NR.13 CU TA PASANDO NA 13O Km ZUID DI ARUBA LO POR
INDUCI TEMPORALMENTE BASTANTE NUBIA. FOR DI
ESAKINAN POR SPERA LOCALMENTE ALGUN AWACERO
CU TAMBE CHANCE PA LAMPER CU STRENA. LOCALMENTE
AWACERO POR TA MODERA TE PISA Y CAUSA MOLESTER NA LUGARNAN CONOCI Y POR SLOW E MOBILIDAD DEN TRAFICO DURANTE DIABIERNA. TE CU DIAHUEBS ATARDI ARUBA A REGISTRA 22 MM DI JOBIDA.
PA AWOR NO TA MIRA NINGUN ACCION PARTICULAR PA DIABIERNA 7 OKTOBER 2022. BRA TA PIDI PA KEDA VIGILA Y SIGUI INFORMACIONNAN DI METEO ARUBA PA CUALKIER UPDATE.

medio ambiente Noticia

TEMPORADA DI DRIEKIEL

Tur aña durante temporada di turtuga, N.V. ELMAR ta coopera cu Turtugaruba Foundation pa paga nos luznan di caya na Eagle Beach durante anochi pa no stroba e turtuga di traha su neishi. Temporada di turtuga 2022 a yega su final, e temporada ta di maart pa september, nos kier a gradici Turtugaruba pa nan trabou di conservacion di driekiel.

Noticia

ALERTA PA MAL TEMPO # 3

Synopsis: Awacero di varios intencidad ahinda ta wordo spera durante e periodo aki te kisas Diasabra 8 di Oktober, riba Aruba y cercania ora un ola tropical activo, cu awor ta Potential Tropical Cyclone nr. 13, cruza den nos region bayendo west. Desaroyo of no di e sistema aki, e lo trece un chance halto pa awacero modera te pisa localmente cu por trece cantidadnan di 25 te 45 mm durante e periodo describe ei. Bientonan di 50 te 60 km/ora por wordo spera den rafaga, durante awacero modera te pisa cu lamper y strena. Awacero modera te pisa por causa molester na cierto partinan.

International Noticia Social Turismo

Wingo ta sigui expande su halanan

“Wingo ta un socio importante y valioso pa e aeropuerto di Aruba. Y nos ta contento cu e vuelo adicional pa y for di Medellin, como un porta nobo di entrada pa Colombia. E slogan di Wingo ta asi se vuela! Pa nos di Aruba Airport Authority, nos por cambia e slogan den Asi se vuela y se expande horizontes! Felicidades Wingo”, asina Barbara Brown, Chief Commercial Officer di Aruba Airport Authority a bisa na ocacion di celebracion di e vuelo directo for di Medellin pa Aruba.

Noticia

MINISTER ENDY CROES A REUNI CU DIRECTIVA DI ARUBA MOTORSPORTS FOUNDATION.

ORANJESTAD: Den transcurso di siman Minister Endy Croes a reuni cu Aruba Motorsports Foundation. Presente na e reunion tabata presidente, sr. Joy Werleman y miembro di directiva, sr. Richard Every unda a dialoga riba e proyecto di luz pa Palo Marga. Ministerio di Deporte a inverti den e luznan LED cu a yega Aruba na comienso di luna y wordo mester instala. Minister Endy Croes a indica cu e deseo ta pa cuminsa cu ehecucion di e proyecto prome cu fin di aña. Ministerio di Deporte ta bay carga cierto di e inversion pa asina Palo Marga por haya su LED luznan ultra moderno, cu segun expertonan ta duna claridad na e salida, memey y final di pista. Nos ta sigui traha pa deporte na bienestar di nos pais, Minister Endy Croes a finalisa.

Noticia

Minister Maduro di Finansa ta informa:

Na 2018 Minister di Finansa a laga traha un Memorando Financiero Economico FEM cu tabata e guia pa Gabinete Wever-Croes traha pa yega na un finansa publico balansa. E FEM a sirbi como base pa stipula un caminda pa yega surplus den aña 2021, pero na fin di aña 2019 caba Aruba a yega na e situacion di un surplus despues di 12 aña cu nos Pais a conoce solamente deficit presupuestario. Pa aña 2020 a premira un surplus di 46 miyon florin, pero destino a dicidi otro cu e pandemia di COVID cu a afecta Aruba su economia y finansa publico grandemente.

Noticia

Fundacion Telefon pa Hubentud Aruba a comparti conocimento na Suecia

For di 27 di september te cu 29 di september a tuma lugar e di 10 International Consultation of Child Helplines na Stockholm, Suecia. E di 10 International Consultation of Child Helplines na Stockholm Suecia mester a tuma lugar na 2020 caba. Debi na e Pandemia di Covid 19 esaki no por a tuma lugar. E director di Fundacion Telefon pa Hubentud, James Sneek, a representa   Fundacion Telefon pa Hubentud Aruba.

Noticia

ALERTA PA MAL TEMPO # 1

Synopsis: Periodonan cu awacero di varios intencidad ta wordo spera di mainta trempan 6 di Oktober te Diasabra 8 di Oktober, riba Aruba y cercania ora un ola tropical activo cruza den nos region bayendo west. Desaroyo of no di e sistema aki, e lo trece un chance halto pa awacero modera te pisa localmente cu por trece cantidadnan di 25 te 45 mm durante e period ei. Bientonan di 50 te 60 km/ora por wordo spera den rafaga, especialmente den awacero modera te pisa cu lamper y strena. Awacero modera te pisa por causa molester na cierto partinan.