Cambio den prijs di productonan petrolero 9 di november 2022
ORANJESTAD – Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 9 di november 2022:
Category: Noticia
ASTEC ta ahusta tarifa di baha y stiwa container riba waf
ORANJESTAD, Aruba – 7 di november 2022: Recientemente Aruba Stevedoring Company N.V., conoci popularmente como ASTEC y Aruba Ports Authority N.V. (APA) a acorda pa ahusta e tarifa pa baha y stiwa carga riba barco. E ultimo biaha cu a ahusta e tarifa tabata na aña 2018, pues durante e ultimo añanan hopi gasto a aumenta y ASTEC a logra absorba tur. Awor a yega na un punto, cu despues di cinco aña, mester haci un adaptacion chikito pa por sigui ofrece e mesun nivel di servicio, cumpli cu e plannan di mantencion di e facilidad y cumpli cu e rekisitonan di siguridad di nos waf.
Polis ta otorga permiso general pa gruponan di Gaita y Dande
MACUARIMA, SANTA CRUZ: Manera ta tradicion di tur aña, Alto Comisario di Polis sr. Ramon Arnhem, ta convoca un permiso general pa presentacion di gruponan di Gaita y Dande dilanti negoshinan riba nos isla. E permiso aki ta vigente cuminsando for di dia 1 di November 2022 te cu dia 31 di December 2022.
SINCRONISACION DI PLANTANAN EXISTENTE Y NOBO DI WEB TA PROCESO HOPI COMPLICA
ORANJESTAD –E blackout di diasabra 5 di november ultimo ta ocasiona pa un fayo den e sistema di control di motornan RECIP. Por categorisa e sistema di control como un sistema automatisa cu ta dirigi funcionamento di e planta nobo, RECIP Fase IV. E planta nobo ta integra cu plantanan existente di RECIP Fasenan I, II y III. Pa e motibo aki e fayo tawatin su efecto riba control di e produccion di energia completo, cual a conduci na un blackout cu duracion di ±3 ora. WEB ta den contacto estrecho cu fabricante Wärtsilä pa haya asistencia. WEB Aruba ta pasando den un proceso di transicion di produccion cu generadornan di turbina di vapor, pa un produccion cu motornan RECIP. Motibo di esaki ta cu plantanan di motornan RECIP ta mucho mas eficiente. Ta premira cu por keda surgi interupcionnan durante e proceso di transicion aki.
Minister Maduro a hiba palabra na despedida di Ruben ‘Scorpio’ Garcia
Bon dia na tur presente. Awe henter Aruba ta di luto, for di diahuebs pasa cu Aruba haya e noticia cu nos Ruben Luis Garcia no ta cu nos mas, ta reina un enorme tristesa na Aruba. Tur cos a para un rato keto y e atencion tabata riba e noticia cu Aruba a perde un eminencia, un gran legendario. Rednan social tabata yen cu palabranan di danki pa recuerdonan, experiencianan bunita y palabranan di sosten na su famia, mensahenan di pueblo di Aruba, for di nos islanan ruman y tambe otro partinan den exterior. Na e momento cu e noticia a drenta, un profundo tristesa a reina den nos comunidad y mesora a realisa cu nos a perde un otro legendario, cu a laga un tremendo bashi aki na Aruba. Durante e ultimo dianan aki nos por a sinti cu e amor cu Aruba tin pa Ruben ta inmenso y esaki ta wordo confirma tambe awemainta na su despedida.
BRA A DEMOSTRA WORLD BANK E CAPACIDAD DI ARUBA PA RESPONDE DEN CASO DI CALAMIDAD
ORANJESTAD – siman pasa a tuma luga un conferencia organisa pa World Bank y otro organisacionnan internacional, den cual a trata e tema di preparacion y resiliencia di paisnan den region di Caribe den caso di calamidad of disaster y capacidad financierp pa atende cu esaki. Bureau Rampenbetsrijding Aruba (BRA) a atende e conferencia aki como parti di e delegacion di Aruba y como e instancia cu tin e responsabilidad pa prepara Aruba den caso di cualkier disaster. Den cuadro di esaki a tuma luga un excursion pa cual BRA a prepara un “Tier-2 commanding control” pa World Bank por haya un bista di e capacidad cu Aruba tin te cu aworaki pa responde den caso di un incidente.
MIGUEL MANSUR (ACCION 21):
E partido bieunan lo purba tur cos pa keda den poder, asina nan por fix nan mes (lesa directeurschap pa parlamentario cu kier retira), parti trabao pa amigo, bisiña, famia, pegado di bandera, yiu di secretaria etc. Mientras nan ta sigui sink e pais cu mas debe y tapa corupcion, nan integrante y sostenedonan ta purba gaña nan mes cu nan ta actua den beneficio di Aruba.
N.V. ELMAR TA RELATA RIBA BLACK-OUT
Oranjestad, Aruba (6 november 2022) – Alrededor di 8:12 p.m. Aruba henter a keda sin coriente. Mesora ELMAR a cuminsa mobilisa tur tecnico pa asina ta pendiente di e situacion. Nos a ricibi informacion pa 8:29 p.m. for di WEB cu un interupcion den produccion di coriente den planta di WEB a causa un black-out. For di e momento aki nos tecniconan tabata den comunicacion constante cu WEB.
Update di Encuesta di Mucha y Hoben 2022
Desde diabierna 14 di oktober, Oficina Central di Estadistica (CBS) ta ehecutando un encuesta tocante mucha y hoben: Encuesta di Mucha y Hoben 2022. E proposito di e encuesta aki ta pa haya un mihor bista di diferente tema di importancia pa mucha y hoben, por ehempel: actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayor, uso di celular, medionan social, gaming y posibel problemanan relata na esakinan, humamento/vaping, uso di alcohol y droga y salud mental. E encuesta lo tin un duracion di 1 luna.
Parlamentario Marco Berlis (MEP):
Diabierna mainta October 28, for di 7:45am te cu 10:00am, John Wesley College na San Nicolaas a organisa un Beroependag informativo pa tur nan studiantenan cu por a scucha profesionalnan di diferente sector comparti nan experiencia. Cada un di nos a comparti nos experiencia di studio, trabao, y profesion actual. En total a duna informacion na klas 1,2 y 3 den sessionan di 45 minuut. Aki nos por a comparti y motiva e studiantenan pa nan prepara nan mes pa identifica kico nan lo kier studia pe den futuro pa asina nan cuminsa considera cual profiel nan lo kies na scol. A encurasha tur studiante pa siña enfoca riba nan studio, keda determina y persevera pa alcansa nan soñonan.
