Stichting Musica y Centro di Bario Playa Pabao
Diasabra awor, dia 19 di November 2022, e di dos anochi di prefinals di Aruba Caiso & Soca Monarch lo tuma lugar na Centro di Bario Playa Pabao.
Category: Noticia
Prome Minister Evelyn Wever-Croes
Durante su disertacion den e reunion publico den Parlamento pa trata Presupuesto 2023, Prome Minister Evelyn Wever-Croes a ricibi y contesta detayadamente varios pregunta cu tin di haber cu su ministerio. For di Parlamentarionan Mansur, Lopez-Tromp y Gun, Prome Minister a ricibi pregunta tocantenan personal specificamente tocante e vacuturanan cu no a wordo ocupa y e efectonan cu esaki tawata tin den trabounan diario.
Prome Minister Evelyn Wever-Croes
ORANJESTAD-Durante tratamento di Presupuesto Supletorio 2022, por a tuma nota di un Miguel Mansur hopi nervioso, hopi negativo y destructivo. Ya den su prome disertacion, señor Mansur a cuminsa mesora ta lastra Prome Minister Evelyn Wever-Croes y su famia. Na diferente forma hopi baho, señor Mansur a insinua, acusa falsamente y ofende famianan di Prome Minister.
Campeonato Nacional Femenino y Masculino tawata un exito total
ORANJESTAD, Aruba – 17 di November 2022: Federacion di Ahedres di Aruba (FAA) a clausura nan Campeonato Nacional Femenino y Masculino, na nan cede na Royal Plaza Mall. Sake di honor a keda den persona di Sr Yair Lichtensztajn, yui di Adolf Lichtensztajn (dfm) cu por cierto tawata un gran colaborador di Federacion di Ahedres y tambe Sr John Raymond Croes, yui di Robert “Wewe” Croes (dfm) cu tawata e prome Arubiano cu a competi den un Olympiada Mundial di ahedres.
Parlamentario Alvin Molina :
Siguridad den trafico mester ta e meta primordial di esnan cu ta duna rijles na nos ciudadanonan. Instructornan, mescos cu docentenan na scol, ta responsabel pa un bon preparacion di nan alumnonan.
Parlamentario Arthur Dowers :
No tin duda cu Prome Minister Evelyn Wever Croes, ta determina pa no atende cu tur loke ex Minister Plenipotenciario Guilffred Besaril a haci na Arubahuis caminda un biaha mas el a bin dilanti y den forma energico, a mustra cu no tin investigacion oficial andando.
Drs. Mervin Wyatt-Ras:
Na momento cu a cuminsa trata e presupuesto, nos fraccion, como acto di protesta, a bandona sala di parlamento pa mustra cu nos no ta di acuerdo cu e forma con e presupuesto ta wordo trata. Presidente di parlamento a bai den prensa y a yama esnan cu a sali tras di lider di AVP, sr. Mike Eman pa carne. Wyatt-Ras ta puntra e presidente ta ken a keda tras e cabritonan y e buriconan? Wyatt-Ras ta cuestiona e forma baho y mahos pues cu e presidente ta papia cu parlamentarionan. Un presidente di Parlamento ta representa henter Parlamento. Edgar Vrolijk mester sinja su trabou. E mester sa awor cu no por haci expresion asina ey. Su tarea ta pa representa henter Staten. E no tey y no ta wordo paga pa representa su partido so y mucho menos pa representa su fraccion.
Minister Dangui Oduber :
Minister di Turismo Sr. Dangui Oduber. E ta yena bo di satisfaccion pa por mira nos waf yen di barconan crucero. Aruba ta ricibi un otro First Call di un mega crucero den e caso aki di Harmony of the Seas di Royal Caribbean Cruiselines. Conhuntamente cu e barconan crucero di Celebrity Reflection y Enchanted Princess tabata tin mas di 10 mil turista crucero diaranson riba Aruba. Esaki sigur ta refleha cu nos recuperacion ta den ful swing.
Parlamentario Ricky Hoek:
For di dialuna 7 di november te cu dialuna 14 di November ultimo, Parlamento di Aruba a cuminsa cu e tratamento di e ley di presupuesto 2023 di pais Aruba. Un siman completo a pasa y ni un dia e 10 parlamentarionan di banda di oposicion a debati riba dicho ley.
Prome Minister Evelyn Wever-Croes:
Diaranson 16 di November, un dia historico pa nos pais pa loke ta trata presupuesto di nos pais, un presupuesto historico den tur sentido. Parlamento a aproba e Presupuesto 2023 cu tin un surplus di 63 miyon florin. Prome Minister Evelyn Wever-Croes personalmente ta considera esaki hopi particular pasobra e ta refleha e compromiso di Gabinete Wever-Croes desde cu a cuminsa goberna na 2017. E meta desde e prome dia tawata pa soluciona e problemanan financiero di nos pais. “Nos a traha hopi duro pa logra”.
