Aruba Karate Bond
Recientemente a tuma luga na Centro Deportivo Libertador Betico Croes e campeonato “Open Aruba 2022” di Aruba Karate Bond (AKB) den colaboracion cu Aruba Sport Unie (ASU). A habri e mainta cu un bunita desfile di e tres scolnan miembro di AKB, esta RyuBu-Kai Aruba (bou di presidencia di “sensei” Felix Tromp), Shotokai Aruba (bou presidencia di “sensei” Alberto Gonzalez Lujan) y SKIF Aruba (bou presidencia di “sensei” Gustavo Velasquez). Na e apertura di e campeonato a tuma tambe un minuut di silencio pa conmemora e miembro di directiva di AKB y miembro activo di SKIF Aruba, señor Silvano de Castro q.e.p.d.