Nos t'ey pa Informa bo
ORANJESTAD, Aruba – Recientemente, Minister di Husticia y Asuntonan Social Sr. Rocco Tjon a reuni cu e plaatsvervangend directeur di Kustwacht Sr. Eugene Middelhof , den cuadro di siguridad na … Read More
ORANJESTAD – Recientemente Minister di Husticia y Asuntonan Social Sr. Rocco Tjon, a reuni cu Procureur General di Hoge Raad esta Sr. Bleichrodt. Ta trata di reunionnan strucutural cu ta tuma luga pa asina mantene un bon comunicacion cu reino. Durante e reunion aki Procureur General Sr. Bleichrodt a inidica di ta satisfecho cu e manera cu HOF ta atende cu casonan actualmente, mirando cu ta e casonan di HOF cu hende ta apela, ta esnan cu ta bay casacion. Pues un reunion positivo y ta satisfecho cu e calidad di rechtspraak den reino.
UN HOBEN TA PERDE SU BIDA DEN UN ACCIDENTE FATAL
Project Team Drugspanden cu entrada hudicial na un cas na Casibari y a detene 6 sospechoso.
Project Team Drugspanden cu entrada hudicial na un cas na Brazil y a detene 6 sospechoso.
ORANJESTAD – Recientemente Minister di Husticia y Asuntonan Social Sr. Rocco Tjon a reuni cu directiva di CEDE Aruba den cuadro di proyecto di Veilige Barios. Manera ta conoci, e proyecto aki a wordo aproba den presupuesto 2022 pa parlamento di Aruba, cu e meta pa ofrece mas na nos hobennan den e barionan.
ORANJESTAD – Diahuebs mainta durante un reunion conhuntamnte cu Ministerio di Turismo y Salud, a ricibi e raport final “Het Drugsprobleem op aruba bij de Wortel Aanpakken”, cual a wordo entrega door di Sr. Glenn Sankatsing, Director di Caribbean Reality Studies Center. E raport aki ta un investigacion nacional di e problematica di droga na Aruba, cu despues di 25 aña, ta haya un investigacion profundo.
SAVANETA – Recientemente, durante un ceremonia nostalgico di recuerdonan bunita, ARUMIL a celebra nan 25 aña di existencia, den presencia di Minsiter di Husticia y Asuntonan Social Sr. Rocco Tjon. Riba e mesun fecha aki esta, 7 April 1997, e prome grupo di ARUMIL a drenta servicio militar pa pais Aruba. Precisamente 25 aña despues, ARUMIL ta ricibi formalmente nan propio emblema di schouder, creando asina nan propio identidad dentro di e “Defensie Caribisch Gebied”. Esaki ta muestra di e trayectoria exitoso di ARUMIL, pa cual a ricibi e honor special aki. Ademas di a celebra e bunita logro aki, ARUMIL a anuncia e restructuracion oficial di nan organisacion, cual ta duna nan e identidad propio y brinda mas oportunidad na e hobennan di ARUMIL.
ORANJESTAD – Diaranson, durante dos diferente ceremonia, a huramenta y a entrega certificado na empleadonan di tres diferente departamento esencial den nos cadena hudicial. Durante e ceremonia cu a tuma luga na OpleidingsCentrum KIA, a huramenta diferente empleadonan di Guarda nos Costa (GNC) y KIA, den presencia di Minister di Husticia y Asuntonan Social Sr. Rocco Tjon y Gobernador su Excelencia Sr. Alfonso Boekhoudt. Tambe a huramenta diferente empleado di Kustwacht durante un ceremonia cortico na Bestuurkantoor.
ORANJESTAD – Diaranson mainta, den un esfera positivo, Minister di Husticia y Asuntonan Social Sr. Rocco Tjon a haci entrega di certificado di supervisor di Codigo di Proteccion, na e profesionalnan cu a termina e curso. E proyecto aki, manera ta conoci, a nace algun aña atras pa medio di e “Social Crisis Plan”, cual a keda prolonga mirando e importancia cu e metodo aki tin pa e siguridad di nos muchanan. E proyecto aki lo continua bou di e capa di “Family Justice Center”, y hunto cu otro metodonan cu a wordo introduci caba, manera “Signs of Safety”, cual tambe ta di balor agrega, lo wordo treci mas serca di otro pa di e forma aki por sigui contribui y traha mas eficiente y eficaz den e lucha contra abuso di mucha.
