Aruba Bank ta reconoce su empleado superior pa luna di juli  

ORANJESTAD, Aruba –19 di augustus 2022 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.

E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.

Janine Maduro a ser seleciona durante di luna di juli pa brinda servicio superior na clientenan. E ta haci esaki cu un actitud positivo, bon calidad di comunicacion y etica di trabou sobresaliente.

Den Janine su tempo liber e ta gusta experimenta den cushina cu diferente platonan criollo.

Aruba Bank ta felicita y gradici tur e miembronan di e famia di Aruba Bank cu a wordo nomina pa yuda brinda tur cliente “Un Experiencia Superior”. Pabien Janine!