DVG wardando confirmacion riba un caso probable di Monkeypox.

ORANJESTAD, Aruba

Mientras ainda ta warda confirmacion di RIVM Hulanda riba testnan haci, Aruba tin un caso cu un resultado positivo preliminario y un otro caso sospechoso bou investigacion. Ta trata aki di 2 caso relata na otro. E personanan ta den isolacion y ta wordo guia pa personal di seccion di Malesanan Infeccioso di DVG. Mas informacion riba e casonan lo wordo duna den transcurso di e dianan cu ta sigui.