Lyonel Dirksz a keda apunta como station manager di Aruba su radio di mas nobo MAS FM 10

ORANJESTAD, Aruba

Lyonel tin un trayectoria hopi interesante den radio di casi 20 aña di hopi dedicacion den radio difusion. Lyonel a produci programa di mucha, hubentud, carnaval, pasco, top100, egghunt,talkshow y varios otro shownan di radio y television, practicamente por domina su mes den tur area di transmision comercial y social.
Directiva di radio MAS tin algun luna den combersacion cu Lyonel y despues di algun reunion a logra yega na otro pa por dirigi e emisora, directiva di e radio ta kere cu Lyonel na timon di e ekipo di MAS FM lo hiba e radio stacion na otro nivel den e tempo moderno cu un variacion di programacion y transmicionan enbibo pa diferente edad y gusto.
30 di augustus ta anuncia e line up oficial di e radio stacion cu voznan conoci caba den e mundo di radio y personalidadnan nobo den radio pa por por tin un balanse entre ambos generacion.
Lyonel lo mantene su horario di programacion di dialuna pa diabierna 10.00am pa 12.00pm di cual por wordo mira y scucha riba MAS FM 105.1 y riba cable canal 48 di Diario TV.
Lyonel tin 4 aña cu su programa di mainta ta wordo transmiti via television di cual a duna su programacion un popularidad grandi den nos cumindad. Lyonel ta un voz di mainta di cual pa e ultimo 15 aña a presenta su programa den prime time di radio di 10or pa 12or di merdia.
MAS FM tin varios proyectonan hopi interesante cu poco poco lo wordo anuncia pa tur oyentenan.
Nos ta desea Lyonel Dirksz hopi exito den e reto nobo aki y den su carera como station Manager di MAS FM 105.1