SINTONISA PREMIO EXCELENCIA DEN DEPORTE AWE NOCHI PA 8’OR BIBO A TRAVES DI CANAL 22 & TELEARUBA.

ORANJESTAD, Aruba

Awe nochi ta tuma luga Premio Excelencia den Deporte, unda ta reconoce e atletanan cu mas a destaca den nan deporte durante aña 2019 y 2021. Un total di 141 atleta nomina. Pa aña 2019 un total di 16 federacion a participa y a nomina 66 atleta. E interes ta grandi e aña aki na unda 19 federacion a manda oficialmente nan nominadonan conforme e rekisitonan. Un total di 75 atleta a wordo nomina den e diferente categorianan pa aña 2021. E comision organisado ta rindi homenahe na 10 baluarte deportivo cu a dedica gran parti di nan bida den deporte di Aruba.

Pa prome biaha ta introduci e categoria di ekipo di aña pa asina duna oportunidad husto na federacionnan colectivo pa por competi pa e premio di ‘ekipo di aña’.  E anochi di gala ta tuma luga awe nochi, 20 di augustus den Renaissance Convention Center cuminsando pa 8’or di anochi. Aruba ta keda cordialmente invita pa sintonisa e anochi mas grandi den deporte di Aruba awe nochi 8’or bibo via Telearuba y Canal 22.