DVG ta conseha bisindario di Mahuma y Ser’i Teishi pa evacua temporalmente.

ORANJESTAD, Aruba

Debi na e candela ainda activo na Dalta NV. Departamento di Salud Publico hunto cu Bureau Rampen Bestrijding y Crisis Team ta conseha ciudadanonan den bisindario di Ser’i Teishi, Simon Antonio, Bucuti, Cas Paloma y Mahuma pa bandona nan cas temporalmente na bienestar di nan salud te cu 9or di anochi. Principalmente ciudadanonan cu ta sufri di malesanan respiratorio ta prudente pa nan bay keda serca familia of amistad temporalmente. Esaki debi cu biento ta ocacionando cu e fuma conteniendo material toxico ta bayendo den direccion di casnan habita.

DVG ta conseha ciudadanonan y comunidad henter pa sigui e consehonan duna pa nos profecionalnan na bienestar di bo salud y siguridad.