Minister Xiomara Maduro a haya reconocimento pa e sosten y cooperacion brinda na IDEA

ORANJESTAD, Aruba

Diahuebs mainta un delegacion di Departamento di Asuntonan Economico a bishita Minister Xiomara Maduro. Relaciona cu e 10 aña di existencia di e unidad IDEA cu ta resorta bao di Departamento di Asuntonan Economico, e directora Sra. Maria Pita-Dijkhoff, hunto cu Sra. Louella Croes-Ras y Sra. Judella Trim a entrega na minister Maduro un certificado di aprecio y un bunita obsekio, como muestra di agradecimiento pa e sosten y cooperacion brinda na IDEA durante e periodo cu Minister Maduro tabata encarga cu e ministerio di asuntonan economico. Minister Maduro a keda masha agradeci pa e reconocimento y a expresa cu tabata un placer y honor pa traha cu departamento di economia y IDEA na bienestar di Pais Aruba y a desea nan hopi forsa y exito den nan trabao.