Bo informado a reconoce 3 persona den luna di December

E 3 personahenan aki a desplega un tremendo trabou pa comunidad durante 2021 y esaki ta nan storia:

Man of the Year 2021

Cu hopi placer nos ta anuncia cu e homber di aña 2021 pa Bo Informado ta un persona cu den momento mas critico den nos pais, ta sobresali pa su liderasgo, conocimento, un visionario cu capacidad intelectual excelente y vicion conceptual excepcional. E yiu di tera: señor ingeniero ir. Edwin Marcelino Jacobs.
Edwin Jacobs ta un persona bon conoci den comunidad Arubano, admira pa su capacidad excelente y
Ex parlamentario
Ta un excelente studiante y a finalisa e estudio di ingeniero.
A bay traha na Vrom CBS y
Lider di fraccion di MEP

Personalia
 A nace na Aruba di 9 juni 1969.
 A bay La Salle College y a sigui MTS Cesar Terzano richting bouwkunde.
 A bay studia na Hulanda y a finalisa como ingeniero (ir) su estudio na Technisch Universiteit Delft.
 A bin bek su pais duna su contribucion na e pais cu e ta stima – Aruba.
 A traha na Vrom y Centraal Bureau van de Statistiek.

E politico
 Na aña 2001 a escoge pa inicia un carera como politico pa sirbi su pais. E tabata parlamentario desde 2001 te cu 2007
 Lider di fraccion di MEP.

Desde 2007 el a tuma su retiro como parlamentario, a inicia un otro etapa profesional, den caso aki como Director di e Banco di Seguro Social. Como director di SVb Edwin a logra reformanan den seguridad social y implenta cambionan den e systema di ehecucion cu vision pa eficiencia y cu e meta proponi pa crea fondonan di seguro social sostenibel na beneficio di comunidad di Arubano. Como director di SVb Edwin a percura cu e pago di pensioen pasa pa nos grandinan tur promer dia di luna y a logra mantene esaki, pa garatisa cu nos grandinan por confia ribanan pensioen y disfruta di nan pensioen na tempo.

Muestra di su liderasgo, vision y capacidad, bista conocemento conceptual excepcional, a pone cu Edwin a wordo acerca pa tuma banda di e liderasgo den SVb conhuntamente e posicion di director di AZV, cual reto na oktober 2020 durante pademia el a accepta. Cu su conocimento y capacidad el a pone su mes disponibel pa logra yega na fondonan di seguro general di malesa mas sano. Den corto tempo Edwin a logra baha gasto di e fondo di AZV y ta trahando cu firmesa cu bista pa un Aruba saludabel, pa logra un fondo di AZV cu pa añanan nos dilanti por wordo carga y asina cubri gastonan den un forma husto pa un y tur.

Edwin Jacobs, un persona cu gusta traha deligentemente, cu firmesa y disciplina pa logra alcansa su metanan proponi cu determinacion, no pa awe so pero pa e futuro generacion. E ta asumi e reto demostrando liderazgo pa e comunidad riba nos pida baranca Aruba. Edwin ta pone su conocimiento disponibel pa saca e mihor cu Aruba tin pa ofrece.

Un tata di famia di tres yiu, un homber cu alma crioyo, cu un gran amor pa nos patria nos pida baranca Aruba. Amante y gran sostenedor di nos cultura Arubano y Papiamento. Un Arubiano cu gusta su caminata den naturalesa y ta apoya un bida vitalidad den bida.

Edwin Jacobs ta un Arubiano, Semper Edwin t’ey habri cu un bon conseho pa esnan cu acerc’e pa esey. Edwin den momentonan dificil y critico pa nos pais a demostra un gran aporte na nos comunidad pa su capacidad genial, comprendimento conceptual y inteligencia, conocemento adkeri y su vision cu un plan di ehecucion, un consehero, amante di naturalesa, visionario trahado incansabel pa logra. un comunidad Arubano husto pa un y tur y alcansa un ‘bien comun.’

WOMAN OF THE YEAR 2021 – Bo Informado
ORANJESTAD – Aña 2021 a habri cu hopi reto. Aruba tin mester di lidernan firme, cu e
empatia necesario pa compronde e preocupacion di e hende, cu e firmesa pa enfrenta
cualkier reto y mas aun e forsa pa mantene e union cu nos pais tin mester pa surpasa e
crisis economico y financiero cu COVID-19 a bin cune.
Aña 2021 tabata un aña pa tuma e decision corecto na bienestar di Pais Aruba. Pa por a
logra esey Aruba tabatin mester di lidernan cu ta para firme pa tuma decision cu hopi biaha
no tabata facil ni tampoco popular pero e decision cu tabata esun miho pa nos pais.
Nos como media a experienci’e como un mandatario cu ta bisa e cosnan manera nan ta, e
no ta sconde e noticianan menos bon. Su decisionan ta basa riba interes general. Ela
demostra di ta traha cu curason y caracter pa su Pais Aruba. Su trabounan ta basa riba bon
intencion y e no a scohe pa popularidad. Un mandatario cu un actitud firme, cu ta keda
mantene su vision pa un Aruba na unda tur hende por tin un bida digno cu oportunidad pa
desaroya nan potencial. Cada paso cu e tuma ta pa cumpli cu su mision cual ta pa yuda
construi un Aruba financieramente stabiel y un pueblo cu ta conserva y ta orguyoso di su
cultura. Pa e motibonan aki y mas cu mi lo menciona aki rato:
Nos medio Bo Informado ta anuncia como Hende Muher di Aña 2021,
Sra. mr. Xiomara Jeanira Maduro
Aruba su Minister di Finansa y Cultura
Xiomara Maduro a nace dia 24 december 1974 y e ta mama di un yiu homber Ethan Ruiz di
14 aña.
Despues cu ela termina su VWO na Colegio Arubano, ela bay studia na Hulanda, na unda ela
haya su Bachelor’s Degree den Economia na Hogeschool van Arnhem en Nijmegen y
despues ela continua su estudio y a haya su titulo ‘Meester in de Rechten’ den
‘Bedrijfsrecht’ na Rijksuniversiteit na Groningen. Na aña 2003 ela regresa Aruba y a traha
seis aña como funcionario na MOT, awor Financial Intelligence Unit.
Na augustus 2009, Xiomara a subi e arena politico y a participa na e eleccion electoral na
september 2009 como number 9 riba lista di Partido Movimento Electoral di Pueblo y a
keda elegi como Parlamentario di Pais Aruba. Ela fungi como Parlamentario den e Fraccion

di MEP pa ocho aña y tabata conoci pa su actitud critico riba e maneho financiero di Pais
Aruba. Na aña 2017 na momento cu su partido MEP a forma Gobierno, el’a asumi e
responsabilidad como Minister di Finansa, Asuntonan Economico y Cultura. E aña aki na
augustus 2021, ela huramenta como Minister di Finansa y Cultura.
Xiomara ta conoci como un mandatario carismatico, cu ta traha cu curason y caracter pa
Pais Aruba. Apesar cu e ta encarga cu carteranan hopi pisa, semper e tin un sonrisa riba su
cara.
Un Maneho Financiero Sostenibel, Efectivo y Transparente
Minister Xiomara Maduro, den Gabinete Wever-CroesI como Minister di Finansa,
Asuntonan Economico y Cultura y awor den Gabinete Wever-Croes II como Minister di
Finansa y Cultura, su maneho ta basa riba un maneho financiero sostenibel, efectivo y
transparente.
For di momento cu e pandemia a presenta na nos Pais, Minister Xiomara a sigui traha
duro y diligentemente hunto cu su coleganan pa e Pais aki no kibra. Minister Xiomara a
bini cu iniciativanan manera Alivio Fiscal I y II pa asina por yuda comerciantenan
enfrenta e crisis di pandemia y tambe pa yuda reactiva nos economia. El’a busca e
fondonan necesario pa por a brinda alivio na comunidad den momento di e crisis.
E mandatario hunto cu su expertonan a logra pa cumpli cu Hulanda pa locual ta algun
condicion den Landspakket y asina Pais Aruba a logra ricibi yudansa financiero for di
Hulanda.
Riba e parti legislativo, e dignatario tambe tabata activo y a logra cu Parlamento a aproba
cambionan den varios ley.
Minister Xiomara a haci posibel pa Cuerpo di Aduana su personal por a amplia e
conocemento y brinda miho servicio door di brinda e espacio financiero pa Aduana por a
organisa cursonan.
Riba e parti internacional tambe Minister Maduro a traha hopi duro pa Pais Aruba por a
mantene su credibilidad internacional. E trabaonan haci pa Gobierno di Aruba pa medio di
Minister Maduro a wordo reconoci pa institutonan Internacional. Apesar di tur
contratiempo economico y financiero causa pa e pandemia, Pais Aruba a logra mantene su
investment rating cerca Standard & Poor’s. Ademas, IMF den su rapport na maart ultimo a
reconoce cu Gobierno di Aruba a actua lihe y cu esaki a yuda scapa bida di hende y
comercio den e pandemia pa asina por mitiga e efecto riba economia di nos pais. E aña aki

Fitch a cambia su rating pa Aruba for di negativo pa stabiel cual ta haci cu inversionistanan
internacional y local por ta trankilo cu Aruba apesar di e sla di COVID-19 na nos
economia, ta keda un Pais sigur y factibel pa inversion. E maneho hiba pa Gobierno di
Aruba door di a tuma e decisionan necesario na tempo a percura pa e sistema di cuido,
economico y fiscal di nos Pais a keda intacto.
Un Economia Fuerte y Resiliente
Durante 2021 pa locual ta tereno di nos economia, Minister Xiomara Maduro a percura
pa den su maneho realisa Programanan informativo y educativo tocante topiconan
importante di nos Economia. Tambe pa medio di IDEA a organisa cursonan online pa
empresarionan.
Pa por a promove inversion na Aruba, Departamento encarga cu Asuntonan
Economico tambe a organisa Aruba Investment Summit 2021 y tambe seminarionan pa
entrepreneur y comerciantenan local.
Hunto cu tur esaki Pais Aruba a ricibi e bon noticia cu Economia di Aruba a progresa cu
13.6% envez di e 5.6% cu a wordo premira aña pasa.
Cultura bo tin cu bib’e
Riba e tereno Cultural Minister Xiomara Maduro a bin ta hiba un maneho pa stimula
conocemento, desaroyo y participacion cultural di nos pueblo. Su slogan ta: ‘Cultura,
bo tin cu bib’e’.
Den cuadro di Cultura e aña aki Minister Xiomara a presenta un Serie di Programa
Informativo riba e 35 aña di Status Aparte.
Tambe a celebra e Dianan Nacional Dia di Betico y Himno y Bandera, e Manifestacion
Cultural y Acto Protocolar na un manera virtual caminda comunidad por a sigui
esakinan.
Educacion di Cultura pa e muchanan na scol ta sumamente importante pa e
mandatario, p’esey durante di Celebracion di e Dianan Nacional, a organisa
competencia y a parti bukinan informativo na scolnan basico.
Otro parti cu Minister Maduro ta pone masha enfasis riba dje den su Maneho di
Cultura ta e preservacion y mantencion di nos Monumentonan. E aña aki a continua cu
entre otro conservacion di varios patrimonio mientras trabaonan di mantencion ta
continua.

E mandatario a percura tambe pa e Departamentonan Publico y Organisacionnan NoGubernamental (ONG) cu ta traha riba tereno di cultura, haya un curso
Educacion cu Cultura’ cu e meta ta pa esnan activo riba tereno cultural y pueblo di
Aruba ta na altura di kico basicamente cultura ta encera. E mandatario ta di opinion cu
Cultura tin un rol esencial den diversifcacion di nos economia. Ya cu esaki ta parti di
Industria Creativo.
E aña aki Minister Xiomara a ricibi un Bendicion Apostolico di Papa Francisco como
Minister di Cultura na beneficio di iglesia Catolico.
Esaki ta algun di e hopi trabounan cu Minister Xiomara Maduro a desplega den transcurso
di e aña aki.
Un mandatario cu ta hacisu trabou cu hopi respet, dedicacion y honor.
Un dignatario cu semper ta comunica na un manera masha simpel pa asina tur hende por
compronde e materia complica di Finansa. Tur dia e ta percura pa su pueblo ta bon informa
di su trabounan, atravez di su Comunicadonan den corant y riba medionan social y tambe
su Conferencianan di Prensa.
Un persona cu ta stima su famia, ta hopi social, cu gusta combersa.
Un persona spiritual cu tin un fe grandi, gusta musica, stima su carnaval y tin empatia pa
hende.
Un arubiano cu ta namora disu Pais Aruba…..
Un aplauso pa un reconocimento BON MERECI.
Minister Xiomara Jeanira Maduro, Women Of The Year 2021

Politico di aña 2021
Cu hopi placer nos ta anuncia cu e politico di aña 2021 pa Bo Informado ta un persona cu a demostra di por maneha e dos carteranan cu mas a keda afecta pa e pandemia den e momento mas critico den nos pais. Su liderasgo y vision den innovacion tabata e puntonan clave cu awe Aruba ta den un recuperacion economico cu a keda reconoci internacionalmente.
E persona aki ta nos Minister di Turismo y Salubridad sr. Dangui Oduber
Danguillaume Pierrino Oduber ta nací di 13 di Juli 1978 y ta casa cu sra. Naliza Oduber Faarup. E ta tata di dos yiu homber chikito, Zidane y Zander Oduber. Despues di a termina su estudio na Colegio Arubano e la continua su estudio di “Management Economie en Recht” na Hoge School “In Holland” na Rotterdam na unda e la gradua como “Bachelor in Economics, den Management Economics & Law”, na aña 2005.

CARERA PROFESIONAL
Despues di a termina su estudio na Hulanda, Dangui Oduber a cuminsa su carera profesional na HDI Verzekeringen NV. Esaki ta un compania di seguro na Rotterdam. Na Hulanda mes e la traha despues na Nationale Nederlanden den departamento di kleine maak- en beleggingen. Despues di e experiencia aki Dangui Oduber a bolbe Aruba caminda e la labora pa shete aña na Setar N.V., for di 2006 pa 2013. Pa 5 aña largo e la ocupa e funcion di “traffic and routing analyst” den departamento di “traffic & business”. Dangui Oduber a sigui desaroya su carera profesional como cordinador di “inkoop en logistiek” y despues como supervisor di departamento “inkoop en logistiek”.

ENTRADA DEN POLITICA
Na aña 2013 Dangui Oduber a drenta e arena politico y bira candidato di e prestigioso partido Movimiento Electoral di Pueblo (MEP). Dangui Oduber a escohe pa drenta politica pasobra sinta na banda y wak Aruba bayendo den un mal direccion ya no tabata un opcion mas. Dangui Oduber ta desea di crea un generacion progresivo, innovativo caminda tur hende lo forma parti di dje. E mandatario kier crea oportunidadnan igual pa un y tur na Aruba. E ta sinti su mes yama y e tin e compromiso pa traha pa e progreso di e pais aki y kier lucha pa e porvenir di nos futuro generacionnan. Dangui Oduber kier mira cambionan progresivo caminda tin participacion di tur hende den e comunidad aki. E movecion aki ta inclui proyectonan cu lo hiba Aruba den un etapa caminda transparencia lo prevalece y e pueblo ta goberna hunto cu MEP y bin cu e miho ideanan pa e “start-up” di un Aruba progresivo y renoba. Dangui Oduber ta forma parti di MEP pasobra e ta kere den e partido aki y e kier yuda nos pais y yuda esnan den necesidad.
LOGRONAN DI AÑA 2021
Den aña 2021 Minister Dangui Oduber a logra hopi cos grandi pa pais Aruba, anto den pleno pandemia y aña di eleccion.

• Programma di vacunacion exitoso
• Maneho excelente di COVID-19
• Vuelo inaugural di Frontier Airlines
• Recuperacion acelera di nos turismo 73%
• Reapertura frontera martimo
• Aruba Health App, a haci Aruba un trendsetter mundial
• AruBig a bira un realidad
• Ley di “beperking tabaksproducten”
• Plan Nacional di Prevencion di malesanan di NCD’s
• A converti ImSan den un hospital di shortstay cu 22 cama

Esakinan ta parti di e maneho cu Minister Dangui Oduber tin ariba su vision y strategia, enfocando specialmente riba prevencion, calidad di cuido, innovacion, diversifcacion di nos economia riba tereno di medicina y cuido, lo sigui sostene Aruba den su recuperacion y desaroyo durante gobernacion 2021 – 2025.
Mision pa Turismo ta, pa hunto cu Aruba Tourism Authority y gremionan traha den un manera innovative pa genera un impacto positive riba e economia, dirigi no pa cantidad pero calidad di turismo. Cu un vision pa Aruba bira e destinacion mas bishita den e islanan Caribense door di un turismo sostenibel desaroya pa Gobierno di Aruba.
Esaki ta algun di e hopi trabounan cu Minister Dangui oduber a desplega den transcurso di e aña aki. Un mandatario cu ta bisa locual e ta bay haci y ta haci tambe locual e ta bisa. Un homber integro cu ta traha cu hopi dedicacion, honor y ta para pa locual e ta kere aden. Un mandatario cu semper a sa di trece su opinion dilanti sin sconde e berdad pa asina tur hende ta altanto di kiko tur ta pasando den e area di Salubridad y tambe tur locual ta e desaroyonan pa cu nos unico pilar economico cu ta nos Turismo. Tur dia e ta percura pa su pueblo ta bon informa di su trabounan, atravez di su comunicadonan den corant y riba medionan social, sin lubida tambe su conferencianan di prensa. Eleccion 2021 a sa di ricibi mas di 2000 voto personal y ta e di 4 votegetter di nos pais Aruba.
Un persona cu ta stima su famia, ta hopi social, ta practica deporte, cu gusta combersa y diadomingo ta gusta pasa dia na lama cu su famia. Un arubiano cu ta sacrifica tur dia pa hiba su dushi pais Aruba pa dilanti.
Un aplauso pa un reconocimento BON MERECI.
Minister Danguillaume Pierrino Oduber, Politico di aña 2021

Nos kier a gradici The Art & Engrsving pa e bunita reconocementonan haci den tempo recort por contactnan na 5884433

Tambe nos kier a Gradici Bodega Papiamento cu a contribui cu Papiamento Rum cual ta un regalo crioyo.

Pa finalisa nos kier a gradici un luga hopi popular cual ta Ling & Sons pa e 3 basketnan cu tambe a wordo traha den tempo record.

Danki na tur cu a sostene Bo informado fordi e inicio. Aña 2022 ta spera mas cambio y mas aliansa cu television y radio stacion.

cu bo informado bo lo keda BON INFORMA!