Pasado di esclavitud central durante bishita di Minister Bruins Slot y Secretario di Estado Van Huffelen na parti Caribeño di Reino
Hanke Bruins Slot, Minister di Asuntonan Interno y Relacion di Reino (Binnenlandse Zaken en Koninkrijksrelaties, BZK), y Alexandra van Huffelen, Secretario di Estado di Relacion di Reino y Digitalisacion, ta bishita conhuntamente Sint Maarten, Sint Eustatius y Corsou di 6 te 10 di september. E bishita ta relaciona cu e pasado di esclavitud, pa asina nan mes, mira y tende for di combersacionnan ki nificacion e pasado di esclavitud tin pa e islanan y pa Hulanda.
Sint Maarten
E biahe ta cuminsa riba diamars 6 di september na Sint Maarten, caminda e dos mandatarionan lo combersa entre otro cu habitantenan di diferente origen, tocante e pasado di esclavitud y kico e ta significa pa futuro. Tambe lo para keto na 5 aña di orkan Irma.
Sint Eustatius
Riba 7 di september e siguiente stop ta na Sint Eustatius. Aki tin entre otro un caminata historico den Oranjestad, un combersacion cu Statia Heritage Commission y un bishita na un scol y combersacion cu hobennan tocante e pasado di esclavitud, riba e programa.
Corsou
Na Corsou e mandatarionan lo bay den combersacion cu hobennan y expertonan riba e tereno di sclabitud. Tambe nan lo hiba un bishita na e ‘National Archaeological-Antropological Memory y Archivo Nacional. Lo conclui e biahe cu un reunion cu artistanan, escritornan y musicante caminda e tema central lo ta esclavitud.
Grupo di Dialogo Pasado di Esclavitud
Riba enkargo di Minister di BZK e Colegio di Conseho, Grupo di Dialogo Pasado di Esclavitud, a duna un conseho riba e pregunta con pa atende cu e pasado di esclavitud y su impacto den presente. Gabinete lo bin cu un reaccion prome cu 2023 riba e conseho aki. Lo inclui e experencianan durante e biahe aki tambe den e reaccion di gabinete.
