Parlamentario Marco Berlis (MEP) ta papia di; GASOLIN, DIESEL Y KEROSIN TA BAHA ATROBE PA DI DOS LUNA CONSECUTIVO.
Luna pasa a habri cu e bon noticia cu Gasolin, Diesel y kerosin ta baha. Nos por a wak e prijsnan di e bari di petroleo a fluctua bastante den Augustus y cu tabata tin momentonan cu e la baha y un siman cu e la subi. Minister di Economia sr.Geoffrey Wever y su ekipo di expertonan a tuma nota di e desaroyonan internacional riba e Mercado di petroleo, y basa riba nan calculonan Aruba lo conoce otro rebaho di Gasolin, Diesel y Kerosin pa e luna di September 2022. Esaki sigur ta un bon noticia ya cu esaki tambe lo yuda nos pais y nos pueblo recupera mas rapido di e crisis financiero cu nos ta aden.
Gasolin lo baha cu 8.6% cu 25.2 cent pa liter, for di 293.20 cent pa liter pa 268 cent pa liter. Tambe Diesel a baha cu 3.1% cu 8.5 cent pa liter, for di 278.5 cent pa liter pa 270 cent pa liter. Kerosin a baha cu 3.8% cu 9.7 cent pa liter, for di 257.70 cent pa liter pa 248 cent pa liter.
| Prijs den cent pa liter | Gasolin Premium | Diesel | Kerosin |
| Prijs Vigente | 293.20 | 278.50 | 257.70 |
| Prijs entrante Sept.14 | 268.00 | 270.00 | 248.00 |
| Diferencia den cent | -25.20 | -8.5 | -9.70 |
| Diferencia den % | -8.6% | -3.1% | -3.8% |
Naturalmente e prijsnan di e productonan petrolero aki ta completamente dependiente di e mercado internacional di petroleo, cu ta keda fluctua consistentemente, y mester keda tene cuenta cu tin diferente factornan cu ta influencia e prijs di esaki. E prijsnan nobo lo ta na vigor for di 14 di September 2022. Mi lo keda informa pueblo semanalmente riba e desaroyo di e prijs di bari di petroleo for di mi pagina di facebook: Marco Berlis Oficial.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
