MINISTER ENDY CROES TA GRADICI SRA. ALICIA LEEST PA DEDICA MAS DI 40 AÑA DEN ENSEÑANSA. Masha danki pa e dedicacion y profesionalismo dedica na Aruba su Enseñansa.

ORANJESTAD: Recientemente na Colegio EPI rondona pa famia y coleganan a
tuma luga un bunita ceremonia di gradicimento na honor di sra. Alicia Leest. Minister Endy Croes a atende e ‘farewell party’ di sra. Alicia Leest kende a labora pa mas di 40 aña den e veld di enseñansa na Aruba.

E trayecto di sra. Alicia Leest den e veld di enseñansa.
Sra. Alicia a cuminsa na Paso Sigur como werkster. 25 aña pasa sra. Leest a join ekipo di colegio EPI unda e la cuminsa traha como ayudante den administracion y despues bira beheerder di e Open Leer Eilandje cual tabatin un biblioteca cu sra. Leest yuda ‘setup’.
Tambe sra. Leest a atende studiantenan cu nan lesnan despues di school.

E ultimo aña nan sra. Leest a bay den administracion y asisti eyden. Sra. Leest ta un persona cu un pasion grandi pa yuda colega y studiantenan. Sra. Alicia semper a yuda organisa diferente eventonan pa coleganan como tambe studiantenan e.o. Curason di Pasco. Como tambe sra. Leest tabata scucha dolornan di e studiantenan pa dunanan conseho y guianan kico nan lo por haci. Sra. Alicia tabata schouder pa hopi colega cual por bisa un persona hopi confiabel.

Minister Endy Croes a hiba palabra na e ocasion special aki, unda e mandatario a expresa cu awe kisas ta un dia emocional unda cu sra. Alicia ta laga su coleganan di tanto aña. E mandatario a sigui bisa cu no conoce sra. Alicia, pero si mi ta wak cu e señora Alicia tin un bon curason. E ta pone mi corda mi mama cu e carisma cu ta expresa. E mandatario di Enseñansa a sigui bisa; pues e trabou cu sra. Alica a eherece pa mas di 40 aña de diferente funcion den e veld di enseñansa mi ta kere sigur ta di aplaudi, un empleada ehemplar. Minister Endy Croes a invita sra. Alicia na su bureau unda cu den Gobierno di Aruba y Ministerio di Enseñansa y Deporte a otroga un reconocemento como tambe a gradici sra. Alicia y a desee hopi exito den futuro, gosa di e pensioen bon mereci. Palabranan di gratitud na sra. Alicia pa su amor, cariño y e trabou cu a desplega durante mas di 40 añanan. Masha danki pa tur e trabou y gosa pensioen bon mereci.