Aruba Bank a patrocina torneo di Bolas Criollas Internacional 2022

Oranjestad – 07 di september 2022 – Durante fin di siman a tuma lugar e di XXI edicion di Bolas Criollas Internacional. E torneo a conta cu participacion di 18 ekipo for di Boneiro, 20 ekipo for di Korsou y 29 ekipo local den categoria di damas y caballeros.

E torneo a termina cu team di Damas Tira Malo Pega Bon a pega su 15 punto contra Headache Bolas Team y asina titula Campeon, mientras den gran final di Cabayeros, Querendemos a logra yega 15 punto riba Papaya Ranch y asina a titula Campeon.

Nos ta contento di por a forma parti di un torneo hopi gusta den nos comunidad. Representante di Aruba Bank, Michelle Harms tabata presente pa asina a haci entregamento di premio.

Pabien na e ganadornan y un merecido pabien na e organisadornan cu a realisa un tremendo y exitoso torneo durante 4 dia largo.