Minister di Cultura Xiomara Maduro presente na Exposicion “E lens di mi wowonan” organisa pa Leo Vrolijk

Riba Dia di Prensa a tuma luga na Biblioteca Nacional Aruba e apertura di e Exposion “E lens di mi wowonan” organisa pa e conocido baluarte den prensa arubano Sr. Anselmo Leo Vrolijk y su team. E exposicion ta consisti di potretnan capta door di e lens di wowonan di esnan cu ta traha den prensa, caminda ta mustra e miho potret di prensa den e aña anterior, un total di 15 persona ta participa cu nan potretnan den e exposicion e aña aki.

Esaki ta di 15 bes cu e exposicion aki ta wordo organisa y e aña aki e ta wordo dedica na Sr. Rudolph Haseth y Jason Isenia. Rookie of the Year a resulta Andrew Vrolijk kende a ricibi e Premio Djiespie.
E exposicion tin mas di 150 potret cu a participa den e exposicion. E exposicion lo keda pa un luna na Biblioteca Nacional na Oranjestad y un invitacion na comunidad pa bishita e exposicion aki. Minister Xiomara Maduro ta felicita y gradici Sr. Leo Vrolijk y su team pa un otro bunita exposicion, como tambe tur esnan cu a participa y a coopera pa e exposicion aki por wordo realiza un biaha mas.