DURANTE SEPTEMBER WEB LO INTEGRA PLANTA RECIP IV DEN IGMS.

Na augustus 2021 a implementa IGMS, ‘Intelligent Generation Management System’ (IGMS) pa regula suministro di coriente automaticamente. E tempo ey a integra tur WEB su unidadnan di produccion di coriente y energia den e sistema IGMS. Awor cu planta di motornan RECIP IV ta den operacion, falta pa integra esaki tambe den IGMS. Cuminsando e siman aki lo haci trabounan preparatorio pa haci e diferente testnan. E integracion mes lo sosode durante siman di 12 pa 19 di september 2022. Durante e proceso, clientenan lo POR experencia interupcion di coriente. Ta tuma tur precaucion debido y ta alinea pa minimalisa e interupcion aki. Hunto cu IGMS lo implementa e sistema ILS, ‘Intelligent Load Shedding’ pa evita cualke interupcion grandi di coriente. Tur esaki ta necesario pa optimalisa suministro di coriente. Lo mantene comunidad informa di e proceso di implementacion via pagina di Facebook di WEB.

Aunke no ta premira interupcion, ta pidi comunidad di Aruba comprension en caso cu surgi interupcion di coriente den e simannan venidero. Ta enfatisa cu lo haci tur posibel pa minimalisa e interupcionnan aki. Di antemano ta pidi disculpa pa inconveniencia cu por surgi, debi na e trabounan necesario di integracion. Ta recomenda clientenan pa sigui e updatenan via e pagina di Facebook di WEB Aruba pa keda na altura di e proceso y di posibel interupcionnan.

IGMS y ILS ta forma parti di e combinacion di proyecto y inversionnan cu WEB a bin ta haci pa por ofrece awa y coriente na un manera confiabel, pagabel y sostenibel. Implementacion di IGMS ta un logro mas den e esfuersonan di WEB pa cumpli cu su vision di ta ‘Greener, Cleaner and Fuel Oil Free’.