Hall of Fame di e Taekwondo Mundial

Conocido coach nacional di taekwondo, Teo Rodriguez a bira miembro nobo den e famoso Hall of Fame di World Taekwondo.

E evento a tuma lugar diabierna 19 Aug 2022 durante un ceremonia oficial na New Jersey, Merca. E Hall of Fame di World Taekwondo ta un organisacion cu ta reconoce e personanan cu a traha incansabelmente pa e deporte y a duna nan contribucion extraordinario na e deporte riba tur nivel.

Pa mas cu 30 aña, Teofilo Rodríguez a contribui na e deporte di taekwondo mundial. Na Aruba, Teo Rodriguez tin su scol Tiger Taekwondo y a den e anjanan cu a transcuri a produci hopi bon atleta di taekwondo. Como coach nacional, Teo Rodriguez a guia taekwondista nan di taya manera entre otro e rumannan Chiara y Sophia Petrrochi, e atleta Olimpico, Monica Pimentel y e medayista na e Weganan CAC y Odesur, Stuart Smit.

.