Gobierno di Aruba a duna reconocimento na Hilario Donker riba Dia di Prensa

Pa su trabou periodistico na bienestar di nos Pais

Riba Dia di Prensa, durante un conferencia di prensa, Minister di Finansa y Cultura, den nomber di Gobierno di Aruba, a duna un reconocimento na Hilario Donker pa su trabou periodistico.

Hilario Donker ta un persona cu semper ta presente ora cu Gobierno tin conferencia di prensa y ta semper atento pa haci pregunta y busca cada banda di un medaya pa informa comunidad debidamente. Aparte di esaki, Hilario ta conoci tambe pa sigui di cerca tur desaroyo cu ta encera San Nicolas.

Minister di Finansa y Cultura ta sumamente honra di por a brinda Hilario un reconocimento den nomber di Gobierno di Aruba. ‘Masha pabien Hilario y danki pa bo aporte positivo na bienestar di periodismo na Aruba.’ e mandatario a finalisa.