Hefe di Polis Sr Rosales

Ku referensia na nos kehonan di menasa ku a start na 2018, 2019 I despues kartanan dirigi na abo fecha 10 september 2020, 30 mart 2021 I tur otro raport, yamada, fotonan, videonan, whattsapp ets raporta na bo offisialnan I ofisina pa aktua riba e kontinou menasanan, stalking I intimidashon dor di Clifford Frans:

Nos a tuma nota e siman aki ku polis I fiskal pa medio di kobertura-publiko-via medionan a demonstra prioridat haltu na e menasanan dor di un fake-spiritu di internet ku intervenshon I aresto ets na Bonaire I Korsou. Dikon boso kuerpo polisial, huntu ku kurpo polisial di Korsou I RST di Hulanda I Ministerio Publiko ta reakshona, investiga I aresta supuesto sospechosonan di e fake-spiritu kaso di internat riba medio-sosial dentro 4 luna I a tuma mas ku un anja pa polis tuma un keho/denunsia ofisial di nos I despues 3 pa 4 anja despues ahinda no ta aktua riba e kontinou menasanan, stalking I intimidashon dor di Clifford Frans? Bida di politikonan ta mas importante ku mi bida I di otronan menasa pa Clifford Frans?

E akshonan polisial ta basa riba e resiente keho/denunsia dor di gezaghebber Rijna I algun otro politiko. Nos a nota tambe ku Sekretario di Estado Knops a hasi deklarashonan publiko riba esaki I ku despues a sigui un investigashon imenso masha kostoso paga pa nos pueblo su sen di belasting. Investigashon dirigi pa identifika supuesto suspechosonan di e internet-facebook-spiritu ku a hasi e politikonan sinti nan inkomfortabel. No pa mal-komprende meta di e karta aki I nos organisashon, por fabor tuma nota ku nos ta para solamente pa protestanan I akshonan pasivo I di no-violensia, ku boso a eksperiensa boso mes komo polis, desde nos a bira aktivo den e lucha pa restora I proteha e derechonan fundamental humano di outodeterminashon I demokratiko di tur Boneriano ku a wordu viola I trapa na 10-10-10

Nos pa medio di esaki nos ta puntra na polis I ministerio publiko ku awor finalmente boso lo aktua riba nos kaso di realidat. Nos kaso ku no ta di un fake o spiritu di internet, pero dor di Clifford Frans ku pa e ultimo anjanan kontinuamente, pasobra nunka e no a stop di menasa, intinimda I stalk ami I tur otro ku riska papia duna su opinion, o aserka ami I nos organisashon, o ku partisipa den nos aktividatnan o programma di radio, kaminda e eksitosomente a intimida, menasa mayoria pa stop pasobra nan ta teme pa nan seguridat I bida. Personanan ku Frans a intimida manera Aries Felix, Alfie Martis, Rudy Domacasse, Vladimir Mercera I mas. Tur esaki ta dokumenta I den bo poseshon, huntu ku raportanan I denunsianan por eskrito nos kontinuamente a keda yama I raporta manera a wordu instrui na nos dor di polis ora ku Clifford Frans menasa I intimida nos. Kuantioso pruebanan, no di un fake o spiritu pero en persona, e fisikamente ta kometiendo e aktonan kriminalnan aki pero ni polis ni ministerio publiko no ta aktua. Dikon? Dikon?

Polis I Ministerio Publiko tey solamente pa proteha gezaghebber I politikonan I no nos, suidadanonan?

Manera resultadonan di estadistikanan di stalking ta mustra ku un porsentahe haltu di viktimanan a raporta stalking I menasa na polis prome ku nan a wordu asesina pa e stalker. Nos pa medio di esaki un biaha mas ta urgi polis pa tuma akshon kontra Clifford Frans pa stop di menasa, intimida I stalk ami I nos organisashon prome ku ta muchu lat.

James Finies, presidente Nos Kier Boneiru Bek

Davika Bissessar, presidente Bonaire Human Rights Organization