Mi ta felicita e bario di Brazil cu un bunita celebracion cultural.Parlamentario Alvin Molina (MEP):

Durante e fin di siman pueblo di Aruba specialmente habitantenan di e bario di Brazil por a gosa di un fin di siman di celebracion en conexion cu dia di Brazil. E celebracion a culmina diadomingo ultimo cu e popular y tan spera Parada Cultural den e caya di Brazil y bisindario. Un bunita Parada Cultural cu mas di mil hende riba pia, trahenan di folkore colorido y cu hopi ambiente. Tanto mucha, hoben como adulto a disfruta y pasa un rato ameno. Ta bunita pa mira e acogida grandi cu e parada aki a haya den e ultimo añanan den pueblo. E Parada Cultural a conta cu participacion di 8 grupo acompaña pa banda musical tipico. Sigur un atardi unda tabata reina un ambiente masha dushi. Mi ta invita e pueblo di Aruba pa otro aña participa den e Parada Cultural aki y asina hunto nos engrandece cultura di Aruba. Pabien na sr. Chico Harms, boluntarionan, Fundacion Chico Harms y Aruba completo cu un bunita celebracion di dia di Brazil