Workshop Idea:“Time for Taxes” tabata bon atendi

ORANJESTAD – Diamars ultimo, 6 september, IDEA (Iniciativa pa Desaroyo pa Empresa Arubano) conhuntamente cu Departamento di Impuesto (DIMP) a organisa y presenta e workshop di: ‘Time for Taxes’.

E oradora di (DIMP) tabata sra. Johrainne Giron cu a presenta e siguiente topiconan: 

• Inkomstenbelasting / Winstbelasting;
• BBO/BAVP/BAZV;
• Loonbelasting y primanan social;
• Verzamelloonstaat y Verzamelstaat opgaaf derden;
• KOR;
• A duna splicacion tocante e website di DIMP, ‘Bo Impuesto’;
• Y na final a contesta tur preguntanan.

Un total di 45 persona a atende e workshop aki. IDEA ta sumamente contento cu e acogida di e workshop y e bon comentarionan ricibi di su participantenan.

Tur IDEA su workshopnan ta gratis y ta dedica na SME’s (Small & Medium Enterprises) y na tur cu kier cuminsa un negoshi y cu kier educa nan mes riba diferente topico comercial. 

Un danki na tur e participantenan y un danki special na sra. Luenne Pieters (directora DIMP), cu a brinda nos e oportunidad pa e workshop aki y un danki na sra. Johrainne Giron kende tabata sa con pa comparti su experticio cu tur presente.

IDEA ta gradici tur colega di Departamento di Asunto Economico, Comercio y Industria (DAECI) cu a yuda na un of otro manera. 

Keda pendiente pa nos workshops y corda sigui nos riba Facebook page @Idea-Aruba.