Cuminsando e di dos siman di september
Arajet lo conecta Aruba directamente cu Santo Domingo
Arajet, un aerolinea Dominicano nobo di tarifa cu costo abou, recientemente a confirma cu tur Rubiano lo por cumpra ticket round-trip cuminsando na un tarifa di 168 dollar cu tur impuesto inclui. E tarifa ta basa riba vuelo directo desde Aruba pa Santo Domingo.
Cu e gran compromiso aki, Arajet, ta busca pa conecta Aruba cu Santo Domingo y su diferente experiencianan turistico y comercial, pero tambe pa duna un impulso na e crecemento y desaroyo economico di ambos pais a traves di e promocion comercial y turistico di e dos paisnan tan importante den Caribe, cu tin un historia comun.
E fundado y CEO di Arajet, Victor Pacheco, a garantisa cu โSin duda, pa Arajet, Aruba ta un destinacion cu hopi interes, debi na e demanda di e biaheronan cu ta bay y bin pa Republica Dominicana. Nos kier ofrece e habitantenan di Aruba un alternativa di biahe cu ta accesibel den prijs y cu ta cumpli cu nan expectativa di biahe di menos costo, cu servicio di clase mundial y cu e avionnan di mas nobo y efeciente riba mercado.โ
Asina tambe ta anuncia cu e prome vuelo di regreso foโi Santo Domingo pa Aruba lo ta diabierna 16 di september. Cu e apertura di e destinacion aki, Arajet, ta fortelece su presencia den Caribe y ta avansa den su strategia di expansion, di cual nan ta spera di transporta shete miyon pasahero pa aรฑa den un periodo di cinco aรฑa.
Arajet lo yega Aruba cu un โboomโ, cu tarifa abou cuminsando na 168 dollar round-trip incluyendo impuesto, e ticketnan ta disponibel riba nan website www.arajet.com. Ademas, e aerolinea ta opera cu avion 737-MAX-8 completamente nobo, cu un capacidad pa 185 pasahero y ta priminti di e servicio renonoci mundialmente conoci di e Dominicanonan: โcaluroso, amical y di un clase mundialโ.
Pacheco a finalisa bisando cu: โNos ta asumi e responsabilidad di e renacemento di e aviacion Dominicano cu un ekipo di colaborado internacional altamente cualifica, pa garantisa cu nos operacionnan ta cumpli cu e standardnan halto di siguridad di e industria di aviacion mundial, mientras ta garantisa e mantencion completo di nos avionnan moderno.โ
ITINERARIO
Cu e anuncio di e benta di ticket, e aerolinea a comparti e orarionan di vuelo cu nan lo conta cu ne pโe rutanan Santo Domingo – Aruba – Santo Domingo:
Ruta | Cantidad di vuelo pa siman | Dia | Orario |
Santo Domingo – Aruba | 2 | Dialuna y diabierna | Salida: 12:50 Yegada: 14:10 |
Aruba – Santo Domingo | 2 | Daibierna y dialuna | Salida: 15:55 Yegada: 16:20 |
Flota di avion completamente nobo
Arajet lo cuminsa bula cu cinco avion completamente nobo, e Boeing 737 Max-800. Manera e aerolinea a splica, ta avion di e generacion di mas nobo y ta diseรฑa pa no haci daรฑo na nos medio ambiente, cu menos di 14% di combustibel, den comparacion cu mayoria di e avionnan single-aisle. Esaki lo permiti e aerolinea pa spaar den gasto di combustibel, mantencion y operacion y na mes momento pasa locual nan ta spaar pโe cliente.
Expande e mercado di Santo Domingo
Aeropuerto Internacional Reina Beatrix ta entusiasma pa e servicio nobo aki desde Santo Domingo cu e โplayerโ nobo aki den mercado, esta Arajet. โCu su avionnan moderno y amical pa nos medio ambiente, Arajet tโun tremendo adicion pa e mercado di Santo Domingo. Ampliacion di e frecuencia di nos rutanan y variedad di operador di avion na e mercado aki lo ta un impulso positivo pa e dinamica di biahe entre Aruba y Santo Domingo y lo brinda mas oportunidad na nos mercado VFR pa Santo Domingo. Bonbini Arajet!โ, tabata expresion di e Air Service Development Manager di Aruba Airport Authority, Jo-Anne Meaux-Arends.
Tocante Arajet
Arajet ta e prome aerolinea cu tarifa economico den region di Caribe, e ta ofrece un servicio di clase mundial cu vuelo eficiente y conveniente cu ta conecta America y Caribe punta pa punta cu vuelo non-stop. E aerolinea comercial ta di origen Dominicano, e ta conta cu vuelo Dominicano mixto cu inversion stranhero. Cu base na Santo Domingo y avion Boeing 737-8 di ultimo generacion, completamente nobo y amistoso pa cu medio ambiente, Arajet ta spera di por conecta e destinonan principal di America, como cu e destinonan principal ta Colombia, Peru, Mexico, Costa Rica, El Salvador, Guatemala, Aruba, Sint Maarten y Corsou. Den futuro y segun ta agrega mas avion nโe flota, Arajet lo agrega mas ruta desde Merca te Brasil.
Tocante AUA Airport