Aruba Bank ta yuda Prinses Amalia Basisschool inaugura “Foodforest”

ORANJESTAD- 16 di September 2022: Aruba Bank a yuda Prinses Amalia Bassisschool implementa proyecto “Foodforest”, cu tin como meta conscientisa nan studiantenan di e importancia pa planta y come di nan mesun plantacion.

E “Foodforest” a ser implementa segun e tecnica di agricultura organico yama ‘Syntropic Agroforestry’, lo wordo haci den un seccion den e cura di scol destina pa cultiva, planta y cuido di matanan di fruta y berdura. E ‘Syntropic Agroforestry’a bira parti di e curiculo di e scol tambe.

Sra. Tamara Waldron, Marketing & PR Manager di Aruba Bank tabata invitado na e inauguracion, y a keda sumamente contento di mira e resultado di e contribucion di banco na e projecto cu lo reconecta studiantenan cu naturaleza y siña nan e importancia di come “limpi” y saludabel y hiba loke nan a implementa na scol cas tambe.