Parlamentario Shailiny Tromp-Lee cu palabranan di felicitacion y exito pa Presidente y Vise Presidente di Parlamento 

Diamars ultimo tabatin Apertura di Aña Parlamentario nobo. E dia prome durante un reunion publico un biaha mas coleganan Edgard Vrolijk y Raymond Kamperveen a keda voorgedragen como Presidente y Vice Presidente di Parlamento pa Aña Parlamentario 2022-2023. Cual decision di Parlamento a keda hancra den un landsbesluit firma pa Gobernador. 

Den nomber di Fraccion di MEP, como Lider di Fracion, mi ta desea ambos colega hopi exito y cu Papa Dios sigui guianan pa nan por eherce nan funcion debidamente y na bienestar di nos pueblo. 

E aña tras di lomba nan a sa di desplega nan funcion debidamente y pesey mes ta gosa di e sosten y confiansa di ambos fracion di coalicion.