Parlamentario Alvin Molina (MEP): Proyecto di prevencion p’e chikitinnan

Siman pasa nos a encontra cu sra. Noemi Maduro kende ta presidi e Plataforma “Veiligheid in de Kinderopvang”. E comision a wordo forma despues di e incidente lamentabel di baby Noah. E meta ta pa trece profesionalnan hunto den e plataforma multi disciplinario pa brinda conscientisacion y prevencion den e centronan di cuido di mucha, pa baby di seis siman pa diesdos luna. Recien e plataforma a lansa e campaña ‘HUNTO NOS POR’ cu un poster y buki di conscientisacion cu a traha riba mas siguridad pa babynan. 

E buki y poster cu e 10 pasonan di prevencion a wordo comparti cu tur centro di cuido di mucha pa asina garantisa siguridad pa nos muchanan. E Plataforma ta consisti di un colaboracion di diferente stakeholders: Directie Volksgezondheid/Jeugdgezondheidszorg, Stichting Wit Gele Kruis, Fundacion Pa Nos Muchanan, Stichting Rode Kruis, Ambulance y Departamento di Mucha y Hoben. Trahando hunto cu un solo meta comun nos por logra cosnan grandi. Den luna di october Parlamento di Aruba lo haya presentacion di e bunita y importante iniciativa aki.