Ola Tropical activo noordoost di Curacao

Awe 8:00 PM e ola tropical (wave) aki tabata situa mas o menos na 67W, cu ta 240 km noordoost di Curacao. Cu e curso actual e wave aki ta bai move den parti oost di Caribe entre awe nochi y mayan diabierna. E wave ta ser acompaña pa awacero modera te pisa y mal tempo, y ta move west- noordwest rond di 25 pa 30 km/h.

Impacto riba e weer local:
Por spera biento fuerte den rafaga durante awacero modera te localmente fuerte cu por ser compaña pa lamper cu strena; ademas awacero por causa molester na diferente parti paso ta spera cantidadnan entre 15 pa 35 mm.

Pa e parti maritimo, por spera lama modera te poco bruto na parti oost te noordwest cu olanan entre 5 pa 9 pia. Un aviso pa boto chikito lo drenta na vigor pa e parti oost te noordwest di costa awe tardi 6 ‘or. Ta pidi operadornan di boto chikito pa bai cu cautela na sobra partinan y tambe cerca of den besindario di awacero of lamper cu strena.

Departamento Meteorologico di Aruba lo sigui e desaroyonan rond di e sistema aki y si ta necesario emiti e boletinan tocante e sistema aki.