Dia di Betico 2022:
Minister Xiomara Maduro a bishita Imelda Kleuterschool

Oranjestad – En conexion cu celebracion Dia di Betico, Minister di Cultura a bishita Imelda Kleuterschool. E mandatario a pasa den e klasnan y a conta over di Betico Croes nos Libertador y e motibo cu ta celebra Dia di Betico. A invita e muchanan pa participa den e competencia di pintura relaciona cu Dia di Betico y asina como mucha chikito expresa nan imaginacion riba Betico Croes. Ademas a invita e muchanan pa hunto cu nan mayornan sintonisa e programanan na television relaciona cu Dia di Betico. Minister Xiomara Maduro a gradici e docentenan pa sigui educa nos muchanan riba e historia di Betico y locual ela nifica pa nos pais Aruba y su logronan.