Rudy Lampe (RED) : RED a boga pa mas entrada pa docente
Mi maneho financiero di e presupuesto di Pais Aruba tabata dirigi den hasi uso eficiente di plaka di pueblo, di tal manera cu tur loke ta ineficiente ta wordo realoca pa innovación, pa e alumno y pa e docente. Pesei nos por a ekipa tur scol publico cu digiboards. Despues nos a logra hisa e normbedrag, después di mas di 10 ana cu e no a subi, es decir mas placa pa cada alumno pa loke ta material di estudio. Y e siguiente stap tabata inverti den e docente.
Pesei mi a forma un comisión, y mi ta corda nos a reuni pa prome biaha na edificio bieu ainda di Directie Onderwijs prome cu a muda pa JFK. Ma presenta e plan di Pago según Prestacion, cu mi conoce dor cu mi a traha c une na universidadnan den exterior. Na Aruba docentenan cu yega na edad di 38 ana ta yega nan plafond pa loke ta salario. Pesei mi a propone pa tur docente riba edad di 38 ana ta risibi pago según prestacion riba nan salario. Pa cada prestación, manera sigui un vurso online of trabao voluntario pa e scol, e docente ta risibi tanto punto, y según e puntonan risibi ta corresponde un toelage riba e salario. Y cada tres ana, por ehempel, ta renoba montante di e toelage dependiendo di e prestación di e docente den e periodo anterior.
Den e overdrachtsdocument cu mi a entrega na minister Endy Croes, mi a scirbi cu mi plan pa futuro ta: ïnvestering in het personeel, vor wat betreft de introductie van een beloning naar prestatie model voor leerkrachten die de 38 jarige leeftijd bereikt hebben en daarmee hun plafond, met een systeem van tijdelijke vergoeding voor een periode die hernieuwbaar is op basis van gevolgde cursussen, vrijwilligerswerk voor de school”. Tur esaki mi tabata planea pa introdusi na januari 2023, mi a maneha mi presupuesto di tal manera pa hasi esei posible. Mescos cu mi a demostra di a hisa e normbedrag cu ni gobierno di AVP ni di MEP anteriormente a logra di subi, anto den crisis y sigui pidi un sen extra di parlamento. Pero Simar a protesta, maeestronan a pidi mi retiro, y e votador a core cu nos y no por a concretisa e plan di aumenta e entrada di maestronan. Vooral den e temporada aki di asina hopi inflación, un entrada extra pa nos docentenan lo tabata bonbini. Pero nos no a haya apoyo pa hisa entrada di maestronan. Tristo pa bisa, cu na Aruba so, un docente ta nenga di tin mas entrada