Parlamentario Marco Berlis (MEP) riba caso Avestruz: Puyitonan ta saliendo for di bao mesa

Sospechosonan bashando abao riba maneho dudoso di Benito Sevinger.

Dialuna october 24 e caso avestruz a continua den corte, den cual tin varios sospechoso hunto cu e sospechoso principal Benito Sevinger. Benito tin 5 acusacion serio contra di dje; 1)Falsificacion, 2)Estafa, 3)Labamento di Placa, 4)Abuso di funcion, y 5)Soborno. Riba e dia di dialuna a trata riba e caso Deshaun di Leoncita Arends. Banda di Benito tabata presente sr. Abath cu tabata director di DIP, Sra. Winterdaal y sr. Rojas.

Sra. Rojas ta declara na Landsrecherche cu el a entrega suma grandi di cash di Leoncita pa Benny.

Den corte a bin na cla cu un trahador di Leoncita, a declara na landsrecherche cu riba un dia Leoncita a dune un envelop basta grandi cu tabata contene basta placa den dje. E suma exacto e no tabata sa, sinembargo el a bisa cu mester tabata un suma di mas o menos 200 mil florin. El a tuma e envelop aki yen di placa y entrega esaki na Benny su cas. Leoncita a purba di descredita sr. Rojas, pero hues a bise flat cu e ta bo trahador y awor diripiente e no ta confiabel? Pues Hues no a guli e pilder di Leoncita. Sr.Rojas a keda para riba su declaracion cu e envelop tabata yen di placa. Poco poco e puyitonan ta saliendo for di bao di mesa den e caso aki. E acto aki ta reenforsa e acusacion di soborno contra Benny.

Algun hechonan alarmante cu a bin dilanti den e caso Avestruz

• Hues su promer feit tabata cu segun e proces verbal  Deshaun N.V. a wordo opgericht, dia 30 september 2015, door di señora Arends. Hues a sigui bisa cu: e peticion pa 1 (un) pida tereno a tuma lugar den luna di augustus 2015, y Benny a aprobe tambe (dezerzijds akkoord) den augustus 2015. Hues a puntra leoncita: si ta su persona a manda e peticion pa tereno na augustus 2015. Leoncita, man crusa, a contesta hues: cu e no ta bay contesta e pregunta ey. Den otro palabra, Leoncita no kier contesta pasobra e sa cu e contesta lo sink su mes y Benito ainda mas. Hues a remarca cu prome cu Deshaun a wordo opgericht, ya sra. Arends su intencion tabata pa bendee negoshi na juli 2015! Boso por keda keto, pero pueblo sigur por discerni boso actonan descabeya!

• Hues na Abath: Leoncita a haci peticion pa un tereno y abo a dune dos! Abath a bisa cu e ta djis haci loke minister a instrui. Hues no por a comprende con por ta posibel con ta pidi tereno, sin tin un compania ainda, compania no tin capital, y asina mes director a dicidi pa aproba pa duna no un, pero dos tereno! Hues na Benny: Con bo por a bay di acuerdo cu e peticion pa tereno aki prome cu e compania a lanta? Hues a keda puntre varios biaha. No tabata tin garantia di banco pero toch tereno a wordo otorga. Manera e tereno a pasa a bende esaki pa 356 mil florin! Mientras pueblo ta lucha pa haya pida tereno ta keda wak e maniobranan di Benny y Leoncita pa gana placa bruto cu patrimonio di pueblo. Esaki ta e bon comun cu Mike ta apoyando? Esaki ta e transparencia y integridad cu Mike ta predica den su farsa comun? Laga nos keda serio si!

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!