Carousel di profecion na John Wesley college 

John Wesley College (JWC) a tuma un bunita iniciativa di organisa un carousel di profesion pa su alumnonan. A invita seis profesional cu trabounan varia, manera parlamentario, event planner,artista (pintor), hues, traductor y topografo  midido di tereno (landmeter).

E meta di e carousel ta pa prepara alumnonan di JWC pa e College Fair unda nan lo por usa e informacion adkeri den e carousel pa tin un mihor idea di cua booths na e College Fair ta cay na nan agarado. Otro meta di e carousel ta pa facilita nan escohencia di profiel, unabes bo tin un idea di ki tipo di profesion ta fit mas bon cu bo persona, e ta bira mas fasil pa escohe un profiel.

Studiantenan a keda asombra cu e informacion cu e carousel a brinda y a pidi John Wesley College pa por fabor ripiti e evento fantastico.

Basa riba e dia exitoso, John Wesley College ta preparando pa organisa un di dos carousel. Si abo kier conta di bo profesion, por fabor tuma contacto cu nos via nos email directie@jwcollege.com.

John Wesley College kier gradici di curason e oradornan Dave Bruyning, Natalie

Silvania, Marco Berlis, Armando Goedgedrag, Sharon

Figaroa y Clinton Foy cu nan a tuma nan tempo pa

combersa cu e alumnonan tocante nan profesion.