Minister Xiomara Maduro a ricibi ‘Huisje 103’
Dedica na Cas di Famia Ecury
Recientemento e compania KLM a celebra 103 aña di existencia y relaciona cu esaki, nan a dedica un cas di Delfts Blauw na Aruba. Un dedicatorio masha special na nos Pais. Sigur ta un placer pa mira Cas di Famia Ecury bira ‘Huisje 103’ di KLM Delfts Blauw. Di e manera aki ta honra e esfuerso cu e famia aki a haci como un pionero den comercio na Aruba y tambe sr. Boy Ecury cu a mustra curashi pa defende Hulanda den segunda guera mundial. Minister di Cultura Xiomara Maduro ta gradici sr. Danilo De Freitas di KLM cu a trece ‘Huisje 103’ pa su persona hunto cu sr. Pancho Geerman di MANA cu a percura pa tabata un bon anfitrion pa e celebracion di KLM cu a tuma luga dilanti Ecury complex algun siman atras. Masha pabien KLM y masha danki pa kere den Aruba pa casi 100 aña caba.
