Parlamentario Alvin Molina (MEP):
๐๐๐ ๐ญ๐ ๐ ๐จ๐๐ฌ๐ญ๐๐๐ฎ๐ฅ๐จ ๐ฉ๐ ๐ง๐จ๐ฌ ๐๐๐จ๐ง๐จ๐ฆ๐ข๐ ๐ฉ๐จ๐ซ ๐๐๐ฌ๐๐ซ๐จ๐ฒ๐
Nada nobo, pero bon cu poco poco diferente Ministerio ta realisando cu Aruba no por progresa si nos departamentonan di gobierno no ta funciona manera mester ta. Inversionistanan local of internacional, grandi of chikito, ofreciendo un variacion di producto y servicio, tur tin mester di un localidad pa por eherce nan negoshi. Na Aruba lastimamente a bira un custumber cu ta casi imposibel pa logra un tereno y asina contribui na economia. Prome cu bo entrega e peticion mes caba bo tin e expectativa cu bo lo no logra keda cla. Pa aรฑas bo ta keda den un incertitumbre, sin haya un contesta, niun reaccion den cualkier forma, frustrando, hayando stress, sabiendo bo lo no logra haya bo tereno aunke bo ta cumpliendo cu tur rekisito.Tur esaki cu consecuencia cu inversionista no ta tuma Aruba na serio pa cuminsa nan negoshi, ta perde confiansa den nos pais, Aruba ta perde oportunidadnan pa entrada y cuponan di empleo.
Durante reunion publico, tratando presupuesto 2023, mi a haci nos Minister di Economia e pregunta โki obstaculo tin cu ta stroba nos economia di desaroya?โ. E contesta ta โloud and clearโ โDIPโ! Kisas dia bieu por a hisa, benta, bolter, tanten cu drecha e servicio na pueblo. Di otro banda esaki lo por causa cu ta daรฑa e investigacion di Ministerio Publico, perdiendo tur e esfuerso pa haya sa kico a bay robes cu terenonan di pueblo y ken mester para responsabel pa esaki. Pesey, aunke ta frustrante pa hopi hende aki na Aruba, mi ta compronde e situacion cu nos Minister di Infrastructura ta haya su mes confronta cune. Na bienestar di economia di Aruba, un solucion mester bin pronto.