Parlamentario Marco Berlis (MEP):
๐๐ญ๐ซ๐๐ฏ๐๐ฌ ๐๐ข ๐ฎ๐ง ๐ง๐จ๐ญ๐ ๐๐ข ๐๐๐ฆ๐๐ข๐จ ๐ ๐จ๐๐ข๐๐ซ๐ง๐จ ๐ ๐ฅ๐จ๐ ๐ซ๐ ๐ฎ๐ง ๐ฉ๐ซ๐๐ฌ๐ฎ๐ฉ๐ฎ๐๐ฌ๐ญ๐จ ๐๐ฎ ๐ฎ๐ง ๐% ๐๐ข ๐ฌ๐ฎ๐ซ๐ฉ๐ฅ๐ฎ๐ฌ
Diabierna 11 november y dialuna 14 november minister sra. Xiomara Maduro y minister president sra. Evelyn Wever Croes a presenta den Parlamento pa duna cuenta di e presupuesto di nan carteranan respectivo. Mesora ora minister Xiomara Maduro a yega el a entrega un nota di cambio, cual tabata cumpli cu tur rekisitonan di CAFT y RMR. Pa por a cumpli cu e 1% di surplus, cu ta mas o menos 63 miyon florin, a introduci BBO na grens y tambe a crea un begrotingsfonds Pandemische Veerkracht en innovatie. E introduccion di BBO na grens lo mester zorg pa 35 miyon florin extra cual lo mester drenta caha di gobierno. Sinembargo, pasobra esaki lo keda introduci te na prome di Juni 2023, e entrada di esaki lo ta 15 miyon florin so pa 2023. Ademas lo cuminsa activa e Begrotingsfonds PVI, cual lo bin den lugar di e Aruba Travel Insurance-noodbijdrage, cual ta $15 of 27 florin pa turista. Di e placa cu lo drenta lo destina 35% pa e fonds aki y 65% pa Algemene Middelen di e pais. E entrada cu lo wordo ricibi di esaki lo ta aproximadamente 25 miyon florin.
Un Outlook Economico pa 2023 ta optimista
Departamento Economico tin tres โeconomic outlookโ pa e aรฑa 2023, di cual e scenario optimista (A) ta esun mas realistico mirando e recuperacion economico cu a tuma lugar y ta premira. Den e scenario aki ta premira e mesun trend di recuperacion turistico cu esun di 2022. Ta wordo spera cu e economia I Aruba lo crece cu 6.8% na 2023. Esaki ta un mehoracion di 1.7% compara cu e prognose di Juni 2022, den cual a premira un prognose di 5.1%. Ademas IMF ta comenta cu e e consecuencianan di e Pandemia ainda ta influencia nos pais y e guera di Rusia y Ukraina ta strobando e recuperacion di e economianan di paisnan tur rond mundo. IMF ta pronostica tambe cu Aruba lo experiencia un inflacion di 5.5% na 2023.
Cortamento den ministerionan y inversionnan di Hulanda
Pa por cumpli cu e surplus di 1% riba e presupuesto di, tambe a corta miyones den e diferente carteranan y ministerionan di tur ministernan. Aunke e logro aki lo duna trankilidad na gobierno pa loke ta trata aanwijzing, como Parlamentario mi ta preocupa cu e cortamentonan adicional aki lo causa stagnacion di inversionan, stroba funcionamento di departamentonan, y tranca cierto ayudo financier pa NGOโs importante. Hulanda a papia hopi di lo inverti segun e landspakketnan. Awor cu Aruba ta cumpliendo cabalmente cu e normanan y lo pasa un presupuesto cu e surplus di 1% manera rekeri pa RMR, ban wak con liher Hulanda lo responde cu e inversionan pa Aruba cu cual nan a compromete nan mes!
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
