Minister Dangui Oduber :
๐๐๐๐๐๐๐๐๐๐๐ ๐๐ ๐๐๐๐๐๐๐ ๐๐๐๐๐๐ ๐๐ ๐๐ ๐ ๐๐๐๐๐๐๐๐๐๐๐
ORANJESTAD โ Diahuebs atardi minister di Turismo & Salud Publico, Sr. Dangui Oduber, hunto cu minister di Transporte, Integridad, Naturaleza y Asuntonan di Adulto Mayor, Sr. Ursell Arends, tabata presente na celebracion di Hospice Atardi su di cuater aniversario. Na Hospice Atardi ta caminda cu nan ta ofrece cuido den ambiente di hogar. Un team di boluntario, enfermero y dokter di cas ta duna cuido y sosten na personanan cu un malesa severo pa cual no tin cura mas y cu a yega nan etapa final di bida.
Na hospice tin cuido 24 ora pa dia. E boluntarionan cu ta yuda cu cuido personal ta haci loke famia na cas tambe lo haci por ehempel compaรฑa e huesped, yuda cu su cuido personal diario, scucha y combersa cu e huesped y tambe cu su famia y tambe tโey pa e huesped na momento cu su pareha, famia of amigo no por tโey.
Segun e mandatario โNos ta kere den sirbi e ser humano na un manera digno den e ultimo fase di su bidaโ. Sr. Oduber a enfatisa cu Hospice Atardi no lo por ta un realidad sin e enfermera/o cu ta traha tur dia eynan pa duna cuido y guia. Consecutivamente, e la gradici tambe tur persona cu ta hasi trabou di voluntario. โEmocionalmente e ta un trabou hopi pisa y ta pisa hopi riba cada un di e personan cu ta duna e cuido aki, asina ta danki pa e esfuersoโ, Sr. Oduber a agrega.
Sr. Oduber a gradici cada un persona cu ta hasi Hospice Atardi un realidad y kier dunanan pabien un biaha mas cu nan di cuater aniversario. Tambe e mandatario ta motiva cualkier persona cu tin interes pa hasi trabou di boluntario akinan pa tuma contacto. Si bo ta desea di haรฑa mas informacion tocante hospice bo por pasa na Noord Cura Cabai 147 of jama 5840085.
