Di dos anochi prefinal Caiso & Soca Monarch
Hopi entusiasmo pa e di dos anochi prefinal di Aruba Caiso & Soca Monarch!
E di dos anochi di e Prefinals di Aruba Caiso & Soca Monarch 2023 a tuma lugar na Centro di Bario Playa
Pabao cu musica y un publico hopi anima. Cada artista a sa di haci un tremendo presentacion. Un
combinacion magnifico di “rookies”, cantando e prome biaha riba escenario di e festival y veterano cu
mas di 20 aña di experencia.
E anochi a ser dedica na e baluarte nacional, legendario di e bario di Oranjestad, sr. Etty Toppenberg
(dfm) y a duna oportunidad na e talento hoben, Tarrick Ras, pa cumpli cu e tarea di maestro di
ceremonia (MC) hunto cu e carismatico Maicky “Mighty Campo” Oliva.
E siguiente banda y artistanan a presenta durante e di dos anochi prefinal:
N FUZION cu e Soca di Nigel “Suhcy” Hoek: A Groovy Kind of Jump (compositor: Felix Hoek / areglista:
Nigel Hoek). E Soca di “Lyrod” Escudero: Holooo (compositor: Felix Hoek / areglista: Nigel Hoek). E Caiso
di Dolfi “The Commissioner” Richardson: There Is No Turning Back y e Soca di The Commissioner:
When We On D Road (composita y aregla pa su mes persona, Dolfi Richardson). Tambe e Soca di
“Aimee” Middendorp: It’s About Time, cu tabata e unico dama riba escenario durante di e anochi aki. Y
por ultimo e presentacion di Denzel “Kulchaman” Browne cu su Soca: D Road (compositor: Denzel
Browne / areglista: Dwain Heemstadt).
SOUND AND MORE a presenta cu e Soca di Jair “Casper” Dijkhof: Feelin Good, Feeling Nice
(composita y aregla pa: e team completo di Sound and More).
SUONA pa prome biaha riba escenario di Aruba Caiso & Soca Monarch, cu e Soca di Jerwin “Dje
Dje” Hernandez: All In (compositor: Janiro “Ataniro” Eisen / areglista: Raul Piar).
YX3M a bin pa tembla nan bario cu e Soca di Marvin “Big One” Stamper: Apache Chant (compositor:
Marvin Stamper / areglista: Harvey “Toolz” Agunbero). E Soca di Michael “Barbon” Quant: Celebrate
With Me (compositor: Michael Quant, areglista: Harvey “Toolz” Agunbero). E Soca di Arnaldo
“Razorsharp” Maduro: In It With Meh (composita y aregla pa Harvey “Toolz” Agunbero). Tambe e Soca
di Stuart “Stuwy” Smit: Mind Ur Business (composita y aregla pa Harvey “Toolz” Agunbero) y
presentacion di e Soca di Mike “Mikey” Richardson: Ride It (compositor: Mike Richardson / areglista:
Harvey “Toolz” Agunbero).
BULERIA a sera e anochi cu hopi ambiente, presentando e Soca di Rodrick “Rocco Flava” Franken: In
Love With 69 (compositor: Janiro Eisden & Rodrick Franken / areglista: Rygel Isabella). E Soca di Raynold
“Francois” Kelly: Top Of The Line (composita y aregla pa: Hendry Tromp). E Soca di Michael “Oye
Maiky” Dorbeck: Miss This (compositor: Jason Brown & Michael Dorbeck / areglista: Michael Dorbeck &
Rygel Isabella) y e Soca di Jair “Buddy Love” Vesprey: Out Of Condition (compositor: Carl Roosberg,
Bradley Vesprey & Jair Vesprey / areglista: Rygel Isabella).
Manera cu Stichting Musica a anuncia den comunicadonan anterior, tur grabacion oficial di e
produccionnan cu a wordo lansa durante e Prefinals di Aruba Caiso & Soca Monarch 2023, lo wordo
distribui na plataformanan di media y riba rednan social di Stichting Musica despues di e di tres anochi
prefinal, cu ta tuma lugar riba dia 26 di november 2022.
Stichting Musica ta invita un y tur pa bin apoya y goza di e musica di Musical Time, Hot Ones Band,
Azucar y Groove Masters, diasabra awor 26 di November na Centro di Bario Brazil. Tickets pa entrada
ta disponibel via Pay.aw y tambe na Citgo Boulevard, Citgo Palm Beach, Citgo Santa Cruz y Citgo
Essoville pa solamente Afl 20,- pa persona.
Stichting Musica ta gradici e partners oficial di Aruba Caiso & Soca Monarch: Setar NV, Aruba Bank y
Balashi. Y ta sumamente contento cu e sosten di Departamento di Cultura di Aruba, Elite Productions &
Entertainment y Telearuba.
Bishita e Facebook page di Stichting Musica pa tur informacion relata na Aruba Caiso & Soca Monarch
Contact person: Edwina Werleman – 565 – 0057
