Enconexion cu Dia di Betico 2022:
Minister Xiomara Maduro a bishita Dominicus College
Oranjestad – Diabierna mainta Minister di Cultura a bishita Dominicus College, esaki den cuadro di Celebracion di Dia di Betico 2022. E mandatario a splica e alumnonan e motibo di e celebracion y tambe a invitanan pa participa den e Competencia Virtual Kibra Coco cual ta wordo organisa specialmente pa nos muchanan di scol basico participa hunto cu famia, amplia nan conocimiento riba e historia di nos pais y gana premio riba Dia di Betico 25 di januari proximo. E programa lo pasa via nos canalnan di television Telearuba y Diario TV.
Pa e mandatario tabata mas cu un placer bishita Dominicus College mirando cu su persona mes ta un ex-alumno di e scol. Minister Xiomara Maduro a gradici e staf di docentenan cu a dune e oportunidad pa bishita e scol y tambe a gradici e alumnonan pa e bunita recepcion y a expresa na cada un Felis Dia di Betico.
