Parlamentario Marco Berlis (MEP) riba presupuesto 2023:
๐๐ผ๐ฎ๐น๐ถ๐ฐ๐ถ๐ผ๐ป ๐ฑ๐ถ ๐๐ฉ๐ฃ ๐ฑ๐ฒ๐ป ๐ผ๐ฝ๐ผ๐๐ถ๐ฐ๐ถ๐ผ๐ป ๐ฎ ๐๐๐บ๐ฎ ๐๐ฎ๐ธ๐ฎ๐ป๐๐ถ๐ฒ ๐ฟ๐ถ๐ฏ๐ฎ ๐ฎ๐ฟ๐ด๐๐บ๐ฒ๐ป๐๐ผ๐ป๐ฎ๐ป ๐ถ๐ป๐ณ๐๐ป๐ฑ๐ฎ
๐รฑ๐ฎ ๐ฝ๐ฎ๐๐ฎ ๐ฎ ๐ฝ๐ฟ๐ฒ๐๐ฒ๐ป๐๐ฎ ๐ฐ๐ ๐ป๐ผ๐๐๐น๐ฒ๐ป ๐ฑ๐ถ ๐ญ๐ฑ ๐ฝ๐ฎ๐ด๐ถ๐ป๐ฎ ๐๐ถ๐ป ๐ฐ๐ถ๐ณ๐ฟ๐ฎ ๐ฝ๐ฎ ๐ผ๐ฝ๐ผ๐ป๐ฒ ๐ฝ๐ฟ๐ฒ๐๐๐ฝ๐๐ฒ๐๐๐ผ ๐ฎ๐ฌ๐ฎ๐ฎ ๐ ๐ฎรฑ๐ฎ ๐ฎ๐ธ๐ถ ๐๐ฎ ๐๐ฎ๐ธ๐ฎ๐ป๐๐ถ๐ฒ
Pa simannan largo a protesta, manda carta pa Hulanda y gobierno pa argumenta cu presupuesto 2023 tabata uno ficticio. E ponencia agresivo, desespera y den panico di parti di coalicion di oposicion encabesa pa Mike Eman, a purba sembra tur sorto di argumentonan ficticio y sin base pa laga pueblo kere cu gobierno tabata hacienda algo ilegal cu presupuesto 2023. E โmanipulacion comunโ aki a tuma diferente forma y a usa prensa paga di oposicion pa trata na duna forsa pa nan retorica. Ruedanan di prensa, entrevistanan na prensa paga, cartanan di desesperacion pa Hulanda y e culminacion tabata e gritamento den Parlamento prome cu oposicion a bandona sala bao di nan lider maximo Mike Eman.
Argumentonan y strategia di โcomedia comunโ usa pa coalicion di AVP
Algun dia despues cu coalicion di AVP a insisti pa keda ausente na e tratamento di presupuesto 2023, pa asina trata na convence pueblo cu loke gobierno ta haciendo ta ilegal, ata CAFT a sali duna nan un golpi di bida y a pone nan cara na berguensa. Esaki a sucede despues cu nan a yena y dorna nan carta cu yen supuesto exigencia cu CAFT mester duna su consehonan awor cu a cambia BTW pa BBO. Ata CAFT a sali bisa den prensa local cu NO MESTER di duna niun conseho prome. CAFT a bisa tambe cu nan ta duna gobierno rason! Prome cu esey ya caba Dienst Wetgeving en Juridische Zaken (DWJZ), cu ta encarga pa revisa y controla leynan prome cu nan cuminsa cana nan proceso, a duna un conseho cla riba e postura di e โcomedia comunโ di coalicion di AVP. Den e conseho aki DWJZ ta tira e postura di oposicion den prullenbak y ta desmenti cu mester conseho di Raad van Advies of CAFT. Otro sla mortal mas pa oposicion.
Pa oposicion: Vackantie, bay cas trempan y atende cosnan personal ta mas importante cu trabao
BBO ta un ley existente cu MESTER wordo trata separa di presupuesto 2023. Esaki ta hasta na Raad van Advies caba pa e cambio haci. Pero โopotraicionโ sa esaki. Nan intentonan di panico a bira asina grandi cu hasta un miembro di AVP a bay cu vakantie den exterior pa bay fiesta na grandi. Esaki ta mientras no tin reces, y tin trabao pa atende cu ne. E no a worry pasobra pueblo ta paga su salario toch! Esaki ta e grado di seriedad cu bo ta tuma e trabao di un representante di pueblo? Net esun cu ta gusta grita cu e ta representa pueblo; na unda bo tabata? Asina culpabel oposicion a sintie cu na final toch nan a bin pa vota KETO KETO, sin stem motivering, sin haci un sonido!
Na final, Mike ta scondi hunto cu Benny pa pueblo, no a presenta pa 7 dia di reunion publico cu a trata presupuesto 2023, no a presenta pa presupuesto supletorio 2022, no a presenta pa presupuesto di Algemene Rekenkamer, Raad van Advies y Parlamento, ni tampoco pa e tratamento di e ley pa aproba e huurovereenkomst pa varios dienst cu ta cay bao minister Ursell Arends y Rocco Tjon. Ausencia pa berguensa! Esaki ta e actitud di โbon comunโ cu Mike Eman ta promoviendo? E gaรฑamento sistematico di Mike su coalicion ta ehempel di e โbon comunโ cu e ta para pe? Ban ta serio si!
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
