Minister Maduro :

𝐭𝐚 𝐢𝐧𝐟𝐨𝐫𝐦𝐚 𝐜𝐮 𝐀𝐫𝐮𝐛𝐚 𝐭𝐚 𝐩𝐚𝐫𝐭𝐢𝐜𝐢𝐩𝐚 𝐝𝐞𝐧 𝐞 𝐝𝐢𝐚𝐥𝐨𝐠𝐨 𝐫𝐢𝐛𝐚 𝐒𝐜𝐥𝐚𝐯𝐢𝐭𝐮𝐝 𝐝𝐞𝐧 𝐑𝐞𝐢𝐧𝐨 𝐇𝐮𝐥𝐚𝐧𝐝𝐞𝐬

Den Reino Hulandes tin dialogo riba e topico di Sclavitud. Diaranson na Corsou e Paisnan den Reino ta bin hunto pa reuni riba e topico aki relata na e despensa y reparacion cu Gobierno di Hulanda kier bay duna pa e daño haci cu e negoshi di sclavitud den Reino Hulandes.  Otro aña dia 1 di juli ta conmemora e 160 aña cu a aboli sclavitud den Reino y ta importante pa nos dialoga riba kico un despensa lo significa pa Aruba y e otro Paisnan den Reino Hulandes y tambe di ki manera lo por repara e daño haci asina hopi tempo pasa.

Minister Maduro ta informa cu Aruba tambe ta participa den e dialogo aki na Corsou y ta wordo representa pa sr. Luc Alofs, sr. Dimitri Halley, sr. Clifford Rosa y sra. Shanoulle Bikker. Nan lo reuni cu e representantenan di e otro Paisnan hunto cu Secretario di Estado Van Huffelen riba e topico aki.

E mandatario ta enfatisa cu ta importante pa nos bishita nos historia, puntra nos mes dicon esaki a pasa y percura pa den e presente kita locual ainda a resta di e periodo scur aki di nos historia comparti. Cada un Pais mester pone un spiel su dilanti y cada Pais mester dicidi pa nan mes con nan kier mira un reparacion tuma luga.