Parlamentario Setty Christiaans-Yarzagaray:
𝐃𝐢𝐚 𝐝𝐢 𝐈𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐢 𝐌𝐮𝐜𝐡𝐚 𝐜𝐮 𝐒𝐞𝐚 𝐛𝐮𝐧𝐢𝐭𝐚 𝐒𝐞𝐚 𝐛𝐨 𝐦𝐞𝐬
Diadomingo cu a pasa tawata Dia Internacional di Mucha, y fundacion “Sea Bunita, Sea Bo Mes” a celebra e dia aki conhunto cu e programa “Mi Mesun Heroe” dedicando e anochi na nos muchanan special cu e slogan “Inclusion ta e Solucion”.
A duna atencion na e diferente derechonan di mucha, manera e derecho di educacion, proteccion y diferente otro mas pero tambe riba termento y abuso di mucha. E anochi aki tawata uno bunita unda hopi a sostene e anochi aki pero en especial tur e muchanan y hobennan special. E muchanan special a duna un show di modelahe yena cu entusiasmo hunto cu nan ‘celebridad’ di escogencia y algun di nan presentando diferente vestuario. Aunke pa mi persona e no tawata planea, e tawata un honor pa por a cana hunto cu Von e anochi aki. Tambe tawata tin diferente presentacion di baile y sketch treciendo diferente mensahe importante pa nos muchanan y nos grandinan. Tambe e anochi aki a conta cu presentacion musical di varios artista local sosteniendo e muchanan y algun cu bunita mensahe pa nos muchanan.
Sigur un anochi hopi bunita, emocionante y educativo. Palabra di pabien na e organisadornan di e evento aki sin laga afo nos muchanan representando e programa di “Mi Mesun Heroe”. Mas cu claro un pabien special na tur mucha y hobennan cu a brinda nan bunita presentacionnan pa demostra cu “Inclusion ta e Solucion”. Pabien!
